E update riba e situacion actual na Aeropuerto di Aruba ta cu lo keda cera te cu proximo aviso. Debi na problema tecnico cu e sistema di airco. Como resultado, a desvia algun vuelo pa otro aeropuerto.
- B61057, AA874 y CM348 a desvia pa CUR (Curaçao)
- B62219 6 B61058 a desvia pa SJU (San Juan, Puerto Rico)
Mientrastanto, pa garantisa e comodidad di nos pasaheronan, a acomoda algun na Hyatt Place, y algun a wordo ofreci un bus tour riba e isla pa mantene nan den airco mientras nos ta spera pa mas update. A scoge pa haci esaki p’asina garantisa e siguridad di e pasaheronan mirando cu no tin airco paden y calor por afecta nan salud.
Nos ta trahando duro pa resolve e problema mas lihe posibel y lo duna mas informacion asina cu esaki ta disponibel.
Durante ora di anochi, a sosode un ruptura den e “primary chiller pipe” ubica den un buraco bou tera. Pa localisa e sitio di e parti kibra y haci e buraco bashi a tuma basta tempo. Actualmente aeropuerto di Aruba ta den e proceso di desmantela un “valve” pa yega na e area daña y reemplas’e. Nos ta en espera pa haya e materialnan necesario pa por continua cu e reparacion nan. E periodo di tempo calcula pa completa e reparacion aki ta mas o menos 5 pa 7 ora.
Ta extende e ceramento di Aeropuerto cu 6 ora adicional, te cu 7:30 PM debi na e problema tecnico cu nos sistema di airco. Ta trahando duro pa resolve e problema mas lihe posibel y lo duna mas informacion asina cu esaki ta disponibel.