Dia 9 di september ta un dia hopi importante y ta un dia delicado e aña aki den porta di un siguiente aña parlamentario pero na mes momento un aña di eleccion tambe ta bay drenta. Un dia importante pa tur e “menasanan” cu tin cu por pone cu gobierno cay. Un gobierno cu ta basa riba un acuerdo dos partner politico cu a forma un coalicion.
Sinembargo na momento cu bo ta un coalicion bo tin reglanan y bo tin acuerdonan cu otro. Kico ta sosode na momento cu no ta respeta acuerdo di gobernacion.
Misha Raymond a demostra su nivel baho di politica y sin respet pero tampoco cu integridad. Sinembargo ta keda cu wowo habri si Raymond Kamperveen si ta para banda di integridad y regla of ta para banda di Misha cu ta kibra tur regla y acuerdonan di partido. E actitud aki ta papia hopi di un politico cu kier ta den politica pa su pueblo of pa su mes.
Pero dialuna awo Parlamento di Aruba lo reuni pa cera e aña parlamentario 2023/2024 y lo mester vota pa Presidente di Parlamento y vice Presidente di Parlamento nobo di Aruba.
Normalmente acuerdo di coalicion entre MEP y Raiz ta cu MEP ta scoge e presidente y Raiz e vice-presidente. Pero e aña aki, net esun cu lo hiba e coalicion na eleccion, parce tin problema pero puramente door di arogancia.
Raiz ta un di e partidonan nobo for di su nacemento a cuminsa cu iniciativanan di interes y e Raiz di e postema aki a cana den e otro candidato tambe riba e lista. Por a mira esaki for di comienso cu lider di Raiz Ursell Arends a cuminsa cu un campaña na momento cu e no ta politico , pero ya caba el a negosha comosifuera e ta un politico y for di e tempo ey tin dos cara cu comunidad di Aruba. Y ainda tin esaki unda cu por mira den tur su departamentonan con nan a cana y kico tur ta wordo haci tras di cortina sin notifica pueblo y of parlamento. Por menciona e situacion di taxistanan ta uno bibo, sin menciona e movecionnan cu tin den Serlimar y fundacionnan di adulto mayor y SABA.
Awe por mira e refleho ey di pensamento cu a bira un postema den e partido y Misha Raymond ta sigui e ehempel di su lider unda cu a cuminsa na bende su voto (omkoping di voto) den pleno parlamento cu ta e organo di mas halto di Aruba, kico esaki ta bisa di e politica realmente?
E reunion den Dakota Shopping Paradijs na Dakota tabata uno hopi fuerte.