Na e konferensia Resilensia di 20 di novèmber 2024, a para ketu serka e
desafionan riba tereno di salú mental, seksualidat i stimulante. A papia tambe tokante
maneranan pa promové salú mental di nos poblashon. Nan a papia tambe tokante
maneranan pa oumentá resilensia i resistensia di nos pueblo. Departamento di Salubridat
Públiko, Akseso i Mental Health Caribbean a organisá e konferensia.
E organisashon ‘Off Limits’ durante e konferensia a mustra entre otro riba importansia di
siguridat den bida diario i riba medionan sosial. Oradónan di Programa ‘Nu niet zwanger–
‘Na estado awor akí nò’ a enfatisá ku ta importante pa dunadó di ayudo wak si hende
muhé i hende hòmber tin deseo di tin yu. Asina hende por skohe konsientemente pa haña
yu. Akseso a splika ki ta e motibunan ku hóbennan ta usa stimulante.
Pobresa, problema den relashon i trouma tin un influensia grandi riba salú mental di
hende, asina Mental Health Caribbean a splika. Oradónan di Fundashon Mariadal i
departamento di Salubridat Públiko a splika dikon mester atendé ku por ehèmpel tabú rònt
di hiv.
E partisipantenan na e konferensia indiká ku ta importante pa e organisashonnan di kuido
kolaborá bon ku otro i ku nan partnernan di kadena. E organisadónan ta wak bèk riba un
konferensia eksitoso
Konferensia resilensia ku atenshon amplio pa salú mental, seksualidat i stimulante
