Aeropuerto di Aruba a logra un crecemento record den 2024 A procesa mas di 3.2 miyon pasahero mientras cu aumento di conexion y crecemento ta surgi

Aruba Airport Authority N.V. (AAA) ta refleha cu hopi orguyo riba
un aña 2024 remarcabel, marca pa un crecemento significativo a traves di metrico clave
di rendimento. A pesar di e retonan den e infrastructura, AAA a balansa stabilidad y
crecemento sostenibel exitosamente, solidificando ainda mas e posicion di Aeropuerto
Internacional Reina Beatrix como e hub principal di aviacion den Caribe.
Na aña 2024, Aeropuerto di Aruba a maneha un total di 30.604 vuelo, reflehando un
aumento di 5.2% compara cu aña 2023. Aeropuerto a sirbi mas cu 1.5 miyon pasahero
cu ta genera entrada/ revenue-generating passengers (RGP), procesando un total di
3.2 miyon pasahero – un crecemento di 14.1% aña tras di aña. Adicionalmente, e
capacidad di asiento a expande cu 15.4%, surpasando 1.96 miyon asiento y
reenforsando e conexion creciente di e isla.
Aeropuerto di Aruba ta keda un gateway vital, conectando mundo cu 26 aerolinea cu ta
opera diferente vuelo non-stop pa mas cu 45 destinacion den 32 ciudad. Na aña 2024,
e capacidad di asiento a crece cu 15%, añadiendo 263.000 asiento adicional- un
testimonio di compromiso di parti di AAA pa cumpli cu e demanda creciente pa biaha pa
Aruba.
E mayoria di biaheronan: 71% a biaha pa Merca, subrayando e forsa di e mercado
clave aki. Otro region tambe a experencia crecemento substancial:
• Canada: Trafico di pasahero a subi cu 18%, reflehando un aumento den
interes di parti di Norte America
• Latino America & Caribe: E demanda a subi cu 30%, resaltando e
importancia creciente den e region
• Caribe Hulandes: Un aumento di 7% a reenforsa e conexion intraCaribense ainda mas.
• Europa: E trafico saliente a baha cu 7%, e unico region cu a experencia
un bahada.
E crecemento general di Aeropuerto di Aruba, ta demostra e capacidad pa atrae e
mercadonan diverso y sostene su posicion como un destinacion top-tier di biahe,
apoyando tanto turismo como economia local.
Aña 2024 a mira e yegada di partner nobo den aerolinea, LATAM Airlines y GOL,
conhuntamente cu buelonan directo pa diferente destinacion clave manera Lima, São
Paulo, Medellin y Cali. E companianan di aviacion existente, incluyendo JetBlue, Delta,
American Airlines, Avianca y Copa Airlines, tambe a aumenta e capacidad di vuelo cu
16%. E aña a conclui cu un average load factor impresionante di 85.5%, demostrando
un demanda fuerte di pasahero y uzo di asiento eficiente.
E proyecto Gateway 2030 di Aeropuerto di Aruba, lansa na aña 2019 pa acomoda e
demanda creciente di biahe di Aruba, a alcansa un logro grandi na 2024. Phase 1A ta
cerca di termina y ta poni pa ta operacional den e prome kwartaal di aña 2025, un
inversion di 140 miyon dollar diseña pa revoluciona e operacionnan di aeropuerto.
E mehoracionnan clave ta inclui:
• Un U.S. Departure Check-In Hall nobo: Un facilidad espacioso y ecofriendly cu procesonan di check-in modernisa, opcionnan di self-service y
obranan di arte local di Armando Goedgedrag.
• Sistema avansa di maneho di maleta: Capaz di procesa 2.000 maleta pa
ora, garantisando un screening mas lihe y eficiencia mehora pa e biaheronan
cu lo bay Merca.
Cu bista riba futuro, Phase 1B a cuminsa, cu finalisacion premira pa aña 2027. E fase
aki lo introduci sala di espera adicional, bridge di embarcacion y arrival corridors,
mehorando ainda mas e comodidad y capacidad di pasahero. E preparacionnan tambe
ta andando pa Phase 2 y 3, garantisando modernisacion y expansion continuo.
Siguiendo e principionan di United Nations Sustainable Development Goals (SDGs),
AAA reenforsa nan dedicacion na responsabilidad ambiental na aña 2024. Aeropuerto a
mantene e Airport Carbon Accreditation – ACA Level 3 y certificacion Green Globe,
mientras cu tambe a ricibi reconocemento internacional a traves di Airport Council
International Latin American & Caribbean – ACI-LAC Green Airport Awards pa su
excelencia den maneho di desperdicio, monitoreo di sostenibilidad y operacionnan ecofriendly. E iniciativanan aki ta enfatisa e liderazgo di Aeropuerto di Aruba den desaroyo
di un “green airport”.
Mientras Aeropuerto di Aruba ta embarca door di aña 2025, AAA ta sigui enfoca riba
fortalece e conexion mundial, engrandece experiencianan di pasahero y avansa e
iniciativanan di sostenibilidad. Cu colaboracion continuo di e aerolineanan, inversion
den infrastructura y programa innovativo, aeropuerto ta cla pa alcansa logronan nobo y
mantene su posicion como un referencia di excelencia den aviacion den Caribe.
“Aña 2024 tabata un aña exitoso pa Aeropuerto di Aruba, marca pa un cantidad di logro.
Nos a enfrenta e retonan, combirtiendo nan den oportunidadnan y ta completamente
prepara pa construi riba e impulso aki pa aña 2025 y mas padilanti, segun cu nos ta
sigui e metanan ambicioso fiha pa e aña binidero. Nos ta inmensamente orguyoso di e
compromiso y contribucion di cada miembro di e team di AAA. Nan esfuersonan
combina tabata fundamental pa haci 2024 un otro aña cu a kibra record y alabes uno
exitoso. Cu bista riba futuro, nos ta sigui comprometi pa mantene un operacion di
aeropuerto sigur y protehi mientras ta avansa riba nos iniciativanan strategico pa e
siguiente añanan”, Jurgen Benschop, Chief Operations Officer y Barbara Brown, Chief
Revenue Development & Communications Officer – parti di Interim Management Team
di AAA.
Tocante AUA Airport
Tocante AUA Airport AUA Airport ta un di e aeropuertonan mas ocupa den region
Caribe, cu mas di 25 diferente aerolinea operando na Aruba contribuyendo na casi 3
miyon pasahero pa aña y brindando
servicio aereo na 31 pais y 45 destinacion non-stop rond mundo. Di e mercadonan cu
AUA Airport ta brinda servicio na dje, 76% ta di Merca y Canada, 16% ta di Latino
America, 5% ta di Europa y 4% ta di Caribe Hulandes. AUA Airport ta reconoce cu esaki
ta danki na un economia stabiel, clima politico, hospitalidad, populacion diversifica y
siguridad general di nos isla. AUA Airport su aspiracion ta pa converti den un di e
aeropuertonan mas sostenibel, sigur y prepara pa futuro den e region di Latino America
y Caribe, brindando un espacio laboral confiabel, cu e instalacionnan moderno y
ademas cu un excelente servicio n’e cliente p’asina por refleha e hospitalidad di Aruba,
contribuyendo na un futuro prospero pa Aruba.