Awe gobierno di AVP –FUTURO ta firma un MOU siendo cu Schiphol Group no a deliver loke contracto ta stipula y no ta presta pa loke ta e suma di placa cu Pais Aruba ta paga nan y pueblo di Aruba mester paga pa servicio no duna, pero awe kier exigi mas posicion y poder den AAA. Gobierno di AVP-FUTURO lo sigui permiti esaki ?
Manera nos tur sa aeropuerto di Pais Aruba no tin un director, Segun ex minister di turismo Dangui Oduber for di aña pasa e contracto di Schiphol Group a termina na 2024. For di e tempo ey e proceso nobo a cuminsa pa busca un director nobo pa AAA y Aruba tabata kier un CEO nobo Arubiano, pero Schiphol Group no tabata kier esaki.
For di 2024 a cuminsa cu e proceso pa busca un CEO Arubiano pa tin e oportunidad , pero lamentablemente e posibilidad aki no ta existi debi cu AAA tin un contracto di Schiphol te cu juli di e aña aki ta libera y ta propone e CEO na e shareholder cu ta e gobierno di Aruba den e caso aki. Sinembargo e ta casi imposibel pa a convence schiphol pa pone un CEO Arubiano. Sinembargo pa prome biaha den historia den e reunionnan a logra pa haci un procedura di solicitud manera tur otro compania ta haci na momento cu nan ta busca un CEO.
Den e ultimo 20 añanan esaki no tabata e caso debi cu ta schiphol ta apunta un director y e no ta consulta esaki cu ningun hende pero nan mes ta busca un director cu ta fit den e exigencianan cu nan tin unda cu tin diferente procedura cu nan no ta haci pa por yega na un director , pero ta dies pik un persona y apunte como director y despues nan ta informa gobierno di Aruba riba e persona cu nan a apunta y cu gobierno mester tume.
Ex minister di turismo Dangui Oduber ta duna di conoce cu gobierno di Aruba a cambia e proceso unda cu ta laga Arubianonan tambe participa den e proceso cu a cuminsa di aña pasa pero lamentablemente no ta hayando ningun persona pa por logra apunta como directo. Sinembargo na mes momento a cuminsa hiba combersacionnan pa wak si lo prolonga e contracto cu schiphol pero den e reunionnan tabatin diferencia di opinion entre aandeelhouder y schiphol. Gobienro di Aruba tabatin varios condicion pa schiphol cumpli cu ne si kier pa prolonga e contract, pero di schiphol su banda tambe tabatin varios condicion cu nan tabata kier pa pa gobierno cumpli cu ne. Den e negosacion aki a bin un diferencia di opinion grandi debi cu un di e condicionnan di mas grandi cu tin riba mesa ta cu despues di 20 aña gabinete Wever Croes kier a mira pa e aeropuerto di Aruba wordo maneha pa un profesional local.
Segun Minister Dangui Oduber den e contracto cu tin actual entre AAA cu Schiphol group ta para cu Schiphol Group tin e deber y obligacion pa prepara un yiu di tera pa asina e yiu di tera bay opera pa e funcion di CEO cual den e ultimo 20 aña nan aki esey no a sosode. Na momento cu e proceso di e negociacion a cuminsa e condicion di Gabinete Wever Croes ta cu kier un CEO local pa asina un yiu di tera maneha nos propio aeropuerto. Aruba tin hende nan capacita y cu experiencia y lo por haci e trabou aki manera cu a wordo haci den e ultimo 20 añanan cu tin un CEO Hulandes, pero e lidership team di AAA ta consisti di profesionalnan Arubiano local cu awe por bisa cu nan tin e suficiente experiencia pa haci e trabou. Mirando cu e incumplimento di Schiphol Group Minister Dangui Oduber a opta pa tin un otro tipo di acuerdo cu schiphol debi cu ta sinti cu den e ultimo 20 añanan a paga nan hopi placa y no a haya balor di e servicionan cu nan ta ofrece na AAA.