Despues cu Antias Hulandes ariba ordo di Hulanda a impone un restriccion di vuelo pa avionnan Ruso y norkoreano, awor a toca turno na Francia cu tin un colonia na Guyana Frances y algun isla den Caribe entre otro nos isla ruman St. Martin, St. Barths. Pero e islanan frances mas grandi den Caribe ta Martinique y Guadeloupe, akinan marina y ehercito Frances tin algun stacamento.
Francia a anuncia un reforsamento di e despliegue antidroga den su islanan den Antias, cu atencion special na e archipielago di Guadeloupe, territorio ultramar cu a bira un di e puentenan principal pa e envio nan di narcotraficante pa (Merka) y Europa.
E Minister di Interior di Francia, Bruno Retelló, a bisa cu e plan ta inclui e asignacion di 13 investigado adicional pa e oficina anti-narcotico, un laboratorio di analisis balistico, dos eskuadron movi di gendarmeria, dos brigada nautico, tambe ta inclui radarnan di vigilancia den e canalnan y dronnan di largo alcance pa realisa interceptacion y controla mas cu 700 km di costa.
E anuncio di e funcionario halto di e gobierno di Emmanuel Macron a ser respalda pa su compañero di gabinete, Manuel Valz, minister di territorionan Ultramar, ken a reafirma e medionan importante aki ta manda un mensahe claro na e traficantenan. Nan lo descubri cu nan tin dilanti nan un estado cu nunca ta retira for di violencia. E minister Frances di Interior ta di bishita pa e dianan aki na St Martin, Martinique y Guadeloupe, unda el a tene reunionnan cu esunnan responsabel di e cuerponan di siguridad pa evalua y afina e strategianan, segun un reporte di NTN 24.
“Aki e Republica Frances ta vigilante dia y anochi. Na Martinique, den e Centro di Operacion di Ehercito, ta elogia e vigilancia permanente di nos soldaatnan y e coordinacion directo cu tin cu gendarmaria, polis y aduana. Inteligencia comparti, decisionnan den tempo real, apoyo maritimo, aereo y terestre. Esaki ta e curason di e scudo di Antias Frances.” Segun declaracionnan di e mandatario.
Radarnan costero t dronnan di largu alcance lo fortalece e lucha contra narcotrafico pa permiti un deteccion tempran y un interceptacion mas rapido. Cu e movecion aki di Francia ta aumenta e presion internacional riba e organisacionnan di narcotrafico cu, manera e cartel de los Sòles, ta opera den Laman Caribe, di acuerdo cu e reporte di NTN 24 ultimo.