Riba Dia di Betico Croes tambe a tuma lugá un otro protesta, esta biaha organiza pa un grupo di activistanan di medio ambiente. E grupo a reuni pa expresa nan sosten pa Boneiro den su lucha pa conservacion di naturalesa y pa exigi cu Hulanda respeta e medio ambiente di e islanan di Caribe Hulandes.
Segun e manifestantenan, nan ta contra forma di desaroyo cu ta sigui modelo europeo, argumentando cu e Caribe no por wordo trata ni desaroya manera Europa. Nan ta insisti cu e islanan tin un ecosistema unico cu mester proteccion especial y cu decisionnan di desaroyo mester tuma e realidat ambiental y cultural di e region den consideracion.
E decision pa tene e protesta riba Dia di Betico Croes no tabata casual. Segun activista Oriana Wouters, e fecha a wordo scoge pa su significado historico y simbolico, como un dia cu ta representa lucha pa autonomia, respeto y proteccion di identidad propio.
E grupo ta spera cu nan mensaje lo yega na gobernonan y instancia relevante, tanto lokal como den Reino di Hulanda, pa asina evita dañonan permanente na medio ambiente di e islanan Caribeño.
E caso lo ta 28 di januari 2026 y mundo henter por mira e caso y of e veredicto online completamente gratis.
