Presidente di parlamento di Corsou Fergino Brownbill ta sumamente contento di ta presente na Aruba “one Happy Island” Den e discurso na reunion di IPKO a indica cu ta papia hopi y limita accion. Den punto di bista di Presidente di parlamento di Corsou Fergino Brownbill desde cu e la tuma encargo como presidente di parlamento su vision tabata pa tuma accion. Na mes momento ta indica cu e IPKO 2026 no por termina si no bini cu un plan dicidido con ta bay haci uzo di e comision di experto aki IPKO.
Tambe pa Presidente di parlamento di Corsou Fergino Brownbill e desaroyonan geopolitico pa Corsou ta hopi importante , sinembargo na momento cu ta papia di situacion geopolitico no solamente ta papia di e situacion cu por mira entre Merca y Venezuela paso esaki ta un parti di Reino Hulandes. Sinembargo ta mira mas leu y ta mira e desaroyonan cu sr Mark Rutte su expresionnan no solamente den Europa , pero Hulanda tambe mester tene bon cuenta y wak kico ta bini di parti di Rusia, tur e partinan aki ta forma e parti di Reino.
Pa Corsou ta hopi importante e desaroyonan geopolitico y con como Reino ta posiciona nos mes y ta pa esey e comision di IPKO ta hopi importante e comision di e expertonan aki ta bay enfoca pa fortifica e relacion cu nos tin interno den cas pero na mes momento e ta importante pa sa con nos ta posiciona nos mes pa cu mundo.
Segun Presidente di parlamento di Corsou Fergino Brownbill nos no por ta kibra paden y lucha y bringa un guera pafo, esey kiermen cu nos mester fortifica y mientras cu ta fortifica mester mira kico esaki ta bay significa pa nos posicion como Reino Hulandes y no como Corsou, Aruba of St Maarten of Hulanda so , pero Reino Hulandes den su totalidad y no solamente relacion Merca Venezuela .
Den henter e proceso geopolitico Corsou ta mira kico ta beneficia Corsou den su totalidad , Segun Presidente di parlamento di Corsou Fergino Brownbill asina cu e posibilidad a presenta y cu Corsou por warda crudo y loke cu ta e materia prima di Venezuela mesora Corsou ta posicion su mes como e caminda cu por brinda e posibilidad aki na Merca y Venezuela cu ta e caminda mas cerca cu por deal cu ne y logra e meta pa Corsou haya un oportunidad y beneficia di esaki.
Como parlamento di Corsou tambe ta forma parti di parlatino y parlatino tambe ta trata di wak como pais nan latino America y Caribe unda Corsou ta posiciona su mes den e totalidad aki. Pesey mes ta importante pa sigui e desaroyonan y ta atento pa asina mira con Reino ta posiciona su mes den e parti aki.
E realidad ta cu Hulanda ta wak pa Europa pero nos mester tene cuenta cu nos den Caribe hunto banda di e islanan CAS cu ta nos rumannan den Caribe mester ta atento pa ta bon cla unda nos como islanan den Caribe ta keda den e poder nan cu ta tumando luga na Europa.
Corsou ta kere pa tin un relacion cu Merca ta hopi importante y no mester Sali di punto di bista paso TRUMP ta atendiendo cu diferente puntonan, esey no mester significa cu relacion cu Merca mester caba, pero nos por uza e ehempel di Jamaica cu tin bon relacion cu Merca y e tin bon relacion cu China importante ta pa sa di ta un gobernante y sa cu por maneha y trece un balans cu ta beneficia bo Pais, unda mester percura pa bo Pais y keda mantene relacionnan pa no tin problema cu e poder grandinan.
Corsou su posicion y relacion cu Aruba , St Maarten y Hulanda ta hopi bon y pesey mes e enfoke di Corsou ta pa accion y Corsou ta habri pa cuminsa carga su propio responsabilidad , pero na mes momento si a faya un caminda Corsou ta habri pa ta critico cu nos mes y esey ta loke cu Corsou ta haciendo na e momentonan aki tambe , di ta mas critico cu nan mes.
Na momento cu un parlamento ta critico cu su gobierno y percura pa su cosnan paden ta bon , bo por ta critico pafo tambe. E parlamento di e Pais ta importante pa pone gobierno cana street, pero si e parlamento no ta funciona debidamente e Pais tin un problema serio.
