Collective Prevention Service (CPS) di St Maarten ta anima tur hende pa participa den nan campaña yama “The Lifestyle Shift”, cu lo tuma luga diamars dia 7 di april, Dia Mundial di Salud (WHD).
E lo ta un atardi sano y activo cu actividadnan di fitness en grupo, cuminsando for di 4:30 pm te cu 6:30 pm na e tereno di parkeo di Vineyard Office Building, W.G. Buncamper Rd. #33. Un cantidad di bendedo lo t’ey presente tambe cu informacion di bienestar, consehonan pa un estilo di bida mas saludabel, producto, servicio, snacknan sano y hidratacion.
Tambe lo tin e oportunidad pa participa den un sesion di screening di salud gratis, caminda lo controla nivel di sucu (glucose), cholesterol y presion di sanger.
Bin pa experimenta e cambio cu bo a desea semper. Haya consehonan di ehercicio y informacion di salud cu bo por aplica den bo rutina diario.
Dia Mundial di Salud 2025 lo wordo celebra diamars 7 di april bao di e tema: “Hunto pa salud. Para cu ciencia.”