Staatsecretaris na Den Haag ta bishita Aruba pa bende nos un “igualdad” cu legalmente NO ta existi. Recientemente e Secretario de Estado a duna declaracionnan cu ta hole na desinformacion puro rond di nos Statuut y e Ley di Reino HOFA.
Aki e 4 puntonan di e prome audio expresa pa Staatsecretaris Eric Van der Burg caminda e mandatario ta hera completamente for di e berdad huridico:
• ❌ Mito di “Cuater ruman igual”: E Secretario de Estado ta bisa cu e relacion ta structuralmente igual. FALSO! Riba papel e ta existi (Art. 1 di Statuut), pero den practica Hulanda ta domina e Conseho di Minister di Reino. Den Haag tin e mayoria y ta dicta tur decision grandi (defensa, exterior, supervision).
• ❌ E mentira di e “Ultimo palabra” di Parlamento: El a declara cu si Parlamento di Aruba nenga e ley local, e Rijkswet no ta drenta na vigor. IREAL! Un Ley di Reino (Rijkswet) tin superioridad huridico riba ley di Aruba. Si Parlamento structuralmente nenga di coopera, Den Haag por drenta via Articulo 43 di Statuut (bon gobernacion) pa obliga of impone control. Parlamento NO tin veto absoluto!
• ❌ Fiansa “barata” tin un prijs halto: Ta masha bunita cu nos por fia na e tarifa di mas abou na mundo, pero kico e ta omiti? Cu pa haya e deal aki, Aruba mester entrega parti grandi di su autonomia presupuestario den man di e CAft, unda Hulanda tin mayoria di voto. No tin nada gratis: nos ta cambia placa pa nos soberania!?
• ❌ Torsionando e historia politico: E mandatario a pretende cu esaki ta e mesun caminda cu ex-Premier Wever Croes a cuminsa. FALSO! E supervision di antes tabata temporal y structuralmente via un ley local (LAft). Cambia esaki pa un Rijkswet (HOFA) ta un escalacion radical cu ta ranca control structural for di man di Aruba pa pas’e pa Den Haag pa semper.
Conclusion: E discurso bunita di “igualdad” ta pa trankilisa e pueblo, pero legalmente e Rijkswet HOFA ta hinca Parlamento di Aruba den un eskina unda nos ta perde e control riba nos mesun cas.
Analisis critico: E mentiranan patras di e Rijkswet HOFA!
