Den cuadro di su presentacionnan reciente na Aruba, Jason Fullink, ex-presidente di e plataforma di sclavitud na Corsou, a comparti un analisis cientifico y cultural profundo. El a demostra cu e sa di bo historia y mantene lasonan intergeneracional fuerte no ta simplemente un asunto di folklore, sino un factor determinante pa e salud mental di e hobennan.
Segun Fullink, e conexion entre generacionnan tin un impacto directo riba e bienestar psicologico di un pueblo. Pa sostene su argumentacion, el a cita e investigacionnan realisa pa e cientificonan Chandler y Lalonde cu diferente gruponan indigena. E estudionan aki a comproba cu den e comunidadnan caminda e lasonan familiar y cultural entre e grandinan y e hobennan ta fuerte, e hobennan tin un miho salud mental y e cifranan di suicidio ta drasticamente mas abao compara cu comunidadnan cu a perde e contacto ey.
Bo perspectiva riba mundo ta depende di bo identidad
Fullink a splica cu identidad ta e herment principal cu ta structuralisa con un ser humano ta mira su rondamento. “Bo perspectiva ta traha abase di bo identidad cu bo tin,” el a afirma. El a uza e ehempel local pa ilustra esaki: un Arubiano ta mira mundo di un manera completamente diferente na un otro persona, netamente pasobra su perspectiva ta construi riba su identidad cultural.
E identidad aki ta wordo refleha den e detayenan di mas chikito di bida diario: e forma di uza idioma, e manera di haci un chiste, e cuminda, e codigonan di respet mutuo, e memoria spiritual y e cuentanan di famia. Fullink a adverti cu ora e elementonan aki bay perdi y e conocemento di con ta atende cu bo tera y bo lama ta somenta, e hende ta
perde su esencia:
E ora ey bo ta bira simplemente un parti mas di un otro comunidad, perdiendo locual ta haci bo unico.
Integracion: E formula psicologico di Erikson pa e futuro
Frente na e reto di con e hobennan di awe por forma nan identidad den un mundo globalisa, e ex-presidente a referi na e teorianan di e conoci psicologo Erikson. El a splica cu e desaroyo di mas exitoso den e gruponan aki no ta bini door di asimila ciegamente e culturanan cu ta bin di afo, ni tampoco door di purba ripiti e pasado na un manera exacto y rigido.
E miho ruta, segun Fullink, ta e integracion. E modelo aki ta implica cu e hoben ta tuma e historia y e herencia cu el a haya historicamente for di e generacionnan anterior, e ta respeta e fundeshi ey, pero e ta aporta su propio experiencia moderno pa transforme pa futuro.
Integracion ta e miho caminda: proteha bo fundeshi y, na mes momento, brasa loke ta nobo. Esey ta duna e miho resultado psicologico,” Fullink a conclui, cooperando asina cu un miho bida mental pa e generacionnan cu ta bini.