Den un sesion parlamentario recien, miembronan di fraccion di PPA a cuestiona e Minister di Turismo y Salubridad Publico tocante e delegacion di maneho di sushi na companianan priva. E controversia ta sentra riba e contracto cu e compania “SERLIMAR”, kende a keda asigna pa e gobierno pa maneha e sushi den area di Seroe Tijshi.
Segun Eduard Pieter di PPA, e asignacion di e contracto aki a sosode di un manera cu ta lanta hopi pregunta, argumentando cu e proceso falta transparencia y ta mustra señalnan di conflicto di interes. Ta ser alega cu e compania a ricibi pagamento mensual di 6 miyon florin sin cu tin un plan cla cu ta hustifica e gastonan aki, specialmente ora cu tin alternativanan y propuestanan.
E fraccion parlamentario a exigi contestanan cla y rendicion di cuenta di parti di e autoridadnan competente, cuestionando e falta di rigor den e proceso di likidacion y e maneho di fondonan publico cu ta ser destina pa e proyecto aki.
Fraccion di PPA ta lamenta cu ta laga un aocmpania estatal muri pa privilegia compania priva cu placa di pueblo.