Pa varios generacion nan nos cunukeronan a traha cu e Tera pa no solamente sostene famianan cu alimento pero tambe manteniendo nos Pais su Spirito bibo. Y den bocht tin un sombra asercando, segun Kinsasha van der Bliek di Partido RAIZ ,Minister Wever den gobernacion actual cu su projecto ambicioso di Agri-Innovation Park ta priminti ‘un futuro resiliente’ pa medio di high-tech greenhouses instala cu technologia hydroponico y vertical farming bou di lusnan artificial, importa for di un empresa Hulandes, ‘PRIVA’. Wever den su discursonan ta priminti progreso pero e AIP ta cultivando simianan di perdida cultural y dependencia externo. Intercambiando nos tradicionnan y herencia di platonan fuerte, yen di sabor cu ta yena hasta bo curason, pa tendencianan culinario importa. E ta importante pa nos realisa pa nos planta pa nos mes y sa mas di agricultura nos mes pa yuda nos mes ora di crisis.
Agri- Innovation Park (AIP): Realmente ta inovacion of invasion? di nos agricultor nan
