Departamento di Progreso Laboral (DPL) tambe ta forma parti cu e idea y e iniciativa di AHATA, DPL ta gradici AHATA di a invita DPL pa forma parti di e plataforma “encontra bo pasion” cu ta yena cu informacionnan valioso pa tur esunnan cu ta enbusca di trabao.
Sra. Yoliane Everon di DPL ta haci peticion na tur esunnan cu ta buscando trabao pa subi e plataforma y lo haya un link pa subi riba e website di DPL caminda cu por wak tur e vacaturanan cu tin existente. Tambe esnan cu ta desea di inscribi nan mes como buscado di trabao, esey tambe ta posibel.
Mirando cu AHATA y DPL ta trahando hunto ta mirando un dia pa haci posibel di pone un dia pa e personanan cu ta desea di ricibi ayudo cu nan por haya esaki tambe. LO pone un dia na DPL cu e personanan por bini unda cu por yuda cada un di nan pa nan conoce e plataforma y tambe con nan por traha nan CV.
Den pasado DPL ya caba a haci un campaña pa asina yuda personanan pa traha nan CV, esaki a bay bon na playa pero ta evaluando pa haci un dia di informacion asina na San Nicolas tambe. Sinembargo tin varios reclamo pa e follow up cu e personanan cu ta solicita y esaki ta caminda cu mester cuminsa atende cu ne. Segun sra. Yoliane Everon di DPL e parti di follow up ta hopi importante.
Den e caso aki AHATA tambe a traha diferente bukinan cu lo ta poni na DPL pa asina yuda e personanan cu e guia necesario. E plataforma ta na papiamento, spanjo y ingles unda cu tur hende por haya acceso na dje.