Featured Politica

AVP cu reunion di urgencia dialuna na cas di partido pa strategia accion “Salba Benny”


Secretario General di MEP Endy Croes:

Secretario General di Partido MEP a splica di por a tuma nota di un invitacion cu ta coriendo rond pa un reunion di caracter di urgencia na Cas di Partido AVP yama pa dialuna anochi. Sigur tur partido tin derecho pa reuni y prepara un of otro strategia cu por sirbi pais Aruba den e miho forma. Pero mesora por a conclui cu e reunion aki ta di un caracter diferente. Segun fuentenan cerca di partido AVP e topico y tema lo ta un “Accion Salba Benny AVESTRUZ”

AVP tin algun siman purbando di crea un tormenta den un glas di awa:

Pa algun siman AVP cu algun sindicalista liga na partido ta purbando di crea un tormenta den un glas di awa pa purba lanta pueblo.  E Strategia principal tras di esaki segun “inner circle” di AVP cu a slip e informacion den un chatgroup robes ta pa destabilisa Aruba den totalidad pa momento cu e caso di corupcion mas grandi den historia di Benny Sevinger “AVESTRUZ” inicia dia 5 di september proximo esaki no capta atencion paso Aruba lo mester ta den un paro nacional ‘cueste lo que cueste’. Nomber cu nan lo kier duna e accion aki ta “Accion Salba Benny“. Kisas bon pensa pero inhusto y dificil pa ehecuta. Asina AVP a purba lanta pueblo momento cu gasolin a aumenta pa rasonnan di factornan externo fuera di gara di cualkier gobierno. AVP a dal su dede pa motibo cu prijs mundial a cuminsa baha y gasolin a baha bek drasticamente den luna di augustus na Aruba y september indicacion fuerte cu esaki lo sigui baha. AVP a purba sigui pusha pa accion momento a aumenta e prijs di awa y coriente temporalmente pero Minister Glenbert a reuni cu sindicatonan, gremio y WEB/ELMAR y a logra un palabracion unda a rebaha mesora per 1 september e aumento “temporal” aki considerablemente. AVP a bolbe pusha pa lanta pueblo a traves di BTW pero momento e ultimo decision a cay cu lo aumenta BBO cu 1-1.5% y no BTW di 14% y lo trece diferente rebaho di belasting den sistema na mesun momento pa beneficia pueblo esaki a bolbe kibra e strategia “Accion SALBA BENNY” di AVP. Pa e rasonnan aki dialuna anochi AVP ta yamando un reunion pa hunto planifica kico ta e proximo paso como cu luna di september AVP kier un Aruba plat pa asina desvia tur atencion for di e caso di corupcion  AVESTRUZ di ex minister di AVP y miho amigo di Mike Eman esta Benny Sevinger. Pues sea alerta. No obstante cu bo por ta simpatisa cu AVP e tema di corupcion y e daño cu Mike Eman y Benny Sevinger a causa na Aruba ta demasiado grandi. Si Bo stima Bo pida baranca mester hacie cla pa  AVP cu e candidatonan aki nunca pero nunca mas AVP por bini na poder. 

Algun acusacionnan hopi pisa contra sospechoso Benny Sevinger:  

Ministerio Publico ta ascusando Benny di 1. Valsheid in geschrifte ( Falsificasion), 2. Oplichting ( Estafa), 3. Misbruik van Functie ( Maluso di poder), 4.  Het aannemen van steekpenningen( aldan niet handelen instrijd met zijn plicht) acepta soborno, 5. Opzettelijk gewoonte witwassen ( Deliberadamente y a proposito laba placa).

Pues e acusacionnan di corupcion contra e magnate di AVP Benny Sevinger den caso cu ta carga e nomber AVESTRUZ ta hopi hopi pisa. Hopi miyones a core den dealnan cu tereno esta patrimonio di pueblo.  Dia 5 di september proximo e caso aki ta cuminsa den corte y lo dura 4 luna di september te december y un total di 22000 pagina di investigacion. Prensa mester duna un cobertura total na e caso aki pa pueblo por compronde e corupcion di  AVP. Keda pendiente paso september ta om de bocht!  

Related posts

Minister Maduro di Finansa ta informa: Mike a corta sinta y awo Pueblo tin mas gasto di huur pa paga cu orguyo mescos cu e debe cu ela traha pa Aruba

EA News Author

Mr. Norberto Ribeiro ta kontinuá komo dosente na UoC

EA News Author

Parlamentario Endy Croes: Marlon Sneek cu politica di Avestruz

EA News Author

Leave a Comment