Aruba ta keda un pais multilingue, un comunidad habri cu pa decada a sa di acoge diferente nacionalidad cu ta bini pa comparti nos isla. E bunita di e dinamica aki ta cu, maske cu ciudadanonan ta recorda nan propio pais, bandera y historia di libertad, nan ta biba y celebra hunto cu e pueblo Arubiano. Politiconan di tur skina por bati man y duna discurso, pero e berdad central ta keda: Aruba ta Aruba y a comparti cu diferente nacionalidad riba nan fecha special di libertad y autonomia, pero e inmigrantenan na Aruba ta na altura cu Aruba ta den un peliger nacional cu lo afecta nan tambe ?
Sinembargo, ora nos para keto riba loke ta nifica biba liber den bo mes pais y tuma bo propio decisionnan, nos ta dilanti un realidad critico. E autonomia cu Aruba ta gosa di dje awe no a bini di afor; el a keda conkista cu sanger, sweat y un lucha historic cu libertador betico Croes a logra. E paisnan cu awe ta celebra nan libertad na Aruba y por gosa di e liberdad di nan Pais, pero Aruba na e momentonan aki ta luchando pa no perde su mesun libertad y autonomia. Inmigrantenan ta consciente di esaki?
E caminda pa Aruba sali for di Antias Hulandes tabata uno yen di obstaculo. Prome cu e logro historico aki, ni Hulanda ni Corsou tabata kere den e potencial di Aruba, alegando cu e tera no tabata fertile y pa ricibi algo mester a bay na rudia pa por logra haya algo pa Aruba. Hopi insulto e Arubiano mester a wanta y soporta.
E lucha pa autonomia a cuminsa for di cuna di AVP y PPA y e Status Aparte a keda conkista bou di liderazgo firme di Betico Croes, kende a keda para firme te na final pa garantisa cu Aruba por a bira un pais autonomo dentro di Reino Hulandes riba 1 di januari 1986. E meta tabata cla: duna e pueblo Arubiano e poder pa maneha su propio finansas, desaroya su mes, y dicidi riba su propio futuro sin pidi permiso. Un pais cu na prome instante Hulanda no tabata kere den su tera y su hende.
Manera tur inmigrantenan cu ta scoge Aruba pa nan Pais y ta stima nan himno y bandera, mes un cos mester para firme pa e libertad y autonomia di Aruba wanta e bandera di Aruba y canta su himno pa por sigui biba den un Aruba liber/ autonomo.