BonKarate cu donacion na federacion di judo

Despues cu BonKarate a ricibi diferente material for di e dojo ’Yokoso” di e famia Engelhardt-Abraham na Hulanda y a selecta tur material, a bin resulta cu tabata tin diferente material di judo den e lote ricibi.

Como tal a dicidi mesora pa haci esaki un donacion na e federacion di judo di Boneiro. A yama un di e dirigente di e federacion di judo p’asina pasa y tuma algun caha di material.

Señor Lourinho Janga di e federacion a pasa y tuma e materialnan. Señor Janga na nomber di e federacion di judo a gradici BonKarate di e gesto y sigura di lo haci bon uzo di e materialnan.

Pa BonKarate Sensei Peter Silberie, Senpai Desiree Silberie-Soliano, Senpai Thuersten Winklaar a otorga señor Janga e materialnan.