BonaireFeaturedSabaSt EustatuisInternacional

CBS ta start ku investigashon di forsa laboral na Boneiru, Sint-Eustatius i Saba

Download

Entre desèmber 2020 i mart 2021 Ofisina Sentral di Estadístika (CBS) lo ehekutá e investigashon di forsa laboral (AKO) na Boneiru, Sint-Eustatius i Saba. Durante e investigashon aki un entrevistadó di CBS lo pasa pa hasi tur persona ku a kai den e selekshon, algun pregunta tokante di e enkuesta.

 

E investigashon di forsa laboral ta un investigashon a-selekto bou di kasnan di famia ku CBS ta hasi kada dos aña. Ku e investigashon CBS ta midi e desaroyonan riba merkado laboral riba Hulanda Karibense. Un di e resultadonan di AKO di mas importante ta e porsentahe di desempleo. E porsentahe aki ta indiká ki parti di e poblashon aktivo ta buskando trabou. Otro datonan importante ta e partisipashon laboral, i tambe por ehèmpel e nivel di estudio, trabou i durashon di trabou.

 

Pa un mihó bista di datonan di merkado laboral, CBS ta pidi koperashon di tur kas di famia ku a kai den e selekshon.  Na Boneiru 969 kas di famia lo wòrdu aserká, na Sint-Eustatius 512 i na Saba 488.

Pa lei, CBS tin e obligashon di trata tur dato rekolektá na un manera estriktamente konfidensial. Esaki ta un obligashon di CBS ku ta stipulá den lei. Pa e motibu aki, CBS ta tuma diferente medida pa protehá datonan kolektá. E mes un lei ta konta pa e entrevistadónan tambe. Tur entrevistadó tin e deber di por legitimá su mes na momento ku e presentá na e persona. Ya asina tur hende por ta sigur ku ta trata di un respresentante di CBS.

CBS tin komprenshon pa e echo ku no ta fásil pa suministrá informashon den

e tempu difísil aki. Pero datonan konfiabel tokante kon nos komo Hulanda Karibense ta pará ta sumamente importante. Hustamente awor gobièrnu, negoshinan i pueblo mester sa kon ta bayendo ku Hulanda Karibense i su habitantenan. P’ esei, CBS ta sigui kolektá datonan i ta spera ku, tambe den e tempu aki, personanan lo sigui suministrá informashon importante. CBS ta yama danki pa e komprenshon i koperashon.

 

Pa mas informashon i pregunta  por tuma kontakto ku CBS na number di telefon +599 717 8676. CBS ta alkansabel di djaluna te ku djabièrne entre 8or i 5or. Tambe ta posibel pa manda un emeil na caribischnederland@cbs.nl.

Cbs Logo5E85A3C5Ea89B

Mas informashon tokante AKO ta disponibel riba e página www.cbs.nl/arbeidskrachten. Riba e página www.cbs.nl/huisbezoek por lesa kon CBS ta anda ku e reglanan di seguridat na e tres islanan hulandes karibense i ku kiko ta tene kuenta na momentu di un bishita na kas.

Related posts

Health Talk on the Rock launched

EA News Author

Tribunal di simulashon (mootcourt) na Saba Comprehensive School

EA News Author

Mas di 300 landadonan for di 10 paisnan pa Oceanman Curaçao 2023

EA News Author

Leave a Comment

Whatsapp Message