Featured Local Politica Internacional Hulanda

Charlene Oduber VVD: Scoge pa un partido cu ta focus pa economia, negoshi y cupo di trabao cu ta trece entrada pa belasting


Charlene Oduber ta Arubiano y ta biba na Hulanda , pero ta sinti y por experencia e sentimento nan cu ta biba bao di Aruba y Hulanda. Segun Charlene e no por compronde dicon na Aruba ta mira VVD manera un partido cu ta contra di Aruba. Esaki sigur no ta cuadra cu realidad.
Na momento cu un ciudadano sa pa kico e ta para pe no ta hasie dificil pa dicidi pa un partido. Segun Oduber aki na Aruba hopi persona cu e por a papia cu ne lamentablemente no sa mes kico ta e movimento politico y kico nan kier para pe pa nan pais.
Hopi di nan ta vota pa un persona debi cu nan conoce y of e ta un amiga of amigo y of cu ta spera algo acambio di e politico, pero no ta wak kico ta e balor cu e persona ey por haci pa nan pais. Den e caso na Hulanda VVD ta un partido liberal y loke ta bon di esaki ta cu nan focus ta libertad personal di un hende cu ta e punto di mas importante den bida unda cu bo mes por dicidi con abo ta dirigi bo bida.
Esaki ta pone cu na momento cu bo no ta gusta pa un partido no dicta den bo bida VVD cu su pensamento liberal ta e miho partido. Sinembargo na momento cu kier un partido asina e ta trece un responsabilidad y mester para pa su actonan paso a kies pa esey, segun Oduber.
Un bon ehempel ta cu Aruba a kies pa tin hopi debe, Aruba lo mester para pa esey y no critica, tambe lo mester compronde otro hasta si bo no ta diacuerdo cu otro. VVD tambe ta focus hopi riba husticia social unda cu tur hende tin e mes un oportunidad pa progresa y ta keda na cada persona kico nan ta haci cu ne.
Segun Oduber no ta tur hende ta mes un cos pero tur hende ta igual y VVD ta percura pa tur hende tin e mes un posibilidad. Ta keda na cada ciudadano pa mira bon kico ta e proposito di un partido sea cu ta un partido cu ta focus pa e hendenan mas deplorabel of ta kies unda cu tin negoshi pa por duna trabao unda cu cada un ciudadano riba e pais tin un trabao y tin un pan riba mesa.
Un partido cu ta busca posibilidad nan y para pa su pueblo unda cada un di e ciudadanonan tin e mes un oportunidad di traha y bay dilanti ta importante. Segun Oduber esaki ta mes un cos cu un yiu , ningun mama no tin un yiu pa hacie debil pero pa hacie mas fuerte y cu e por atende cu reto di bida y na nivel di pais ta mes un situacion.
Pesey mes ta importante pa e pueblo ta consciente di nan voto y pa cua ideologia, strategia y focus di partido nan ta scoge y no solamente paso e ta un amigo of conocier, no tin nada mas miho pa scoge pa un partido cu ta focus pa e economia , pa tin negoshi, cuponan di trabao cu ta trece entrada pa belasting. Charlene Oduber kier pa Aruba ta mas consciente na momento cu e economia drei, negoshi ta lanta y oportunidadnan di trabao ta habri tur hende riba e pais ta scoge liberalmente pa nan sea ta bay traha y ta independiente of no, pero cada decision tin su consecuencia abo como ciudadano ta scoge unda bo kier ta.

Related posts

Eugene Valpoort: Señora Esther Bernabela; a indiká i hasi denunsia públiko ku hóbennan di Kòrsou ta bayendo Boneiru pa prostitu.

EA News Author

Minister di Cultura Xiomara Maduro: Programa ‘Kibra Coco’ edicion Himno y Bandera a resulta exitoso un biaha mas

EA News Author

Resultado di e dos dia di e torneo di Beach Tennis Escolar di IBiSA

EA News Author

Leave a Comment