E Ministro di Salud di Aruba, Curaçao y Sint Maarten, hunto cu e Secretario di Estado di e Ministerio di Salud, Bienestar y Deporte di Hulanda, a reuni dia diahuebs 20 di november 2025 na Sint Maarten pa e Consolacion di Cuater Pais riba Salud Publico. E dialogo anual na nivel halto aki ta keda un piedra angular pa gobernacion di salud coordina y desaroyo di politica hunto den Reino di Hulanda.
E consolacion di awe, e prome desde 2023, a trata desafionan comun den salud publico y oportunidadnan strategico pa un cooperacion regional mas profundo. E agenda a enfoca riba area prioritario, inclui:
Fortalecemento di cuido di salud transfrontero y preparacion pa pandemia
Aumenta capacidad pa responde na crisis y desastre
Avansa iniciativa hunto den salud mental, prevencion y promocion di un estilo di bida saludabel
Mehoramento di continuidad di cuidado, desaroyo di trabou y capacidad di entrenamento den sector salud
Resultado
Riba asunto di preparacion pa pandemia y lucha contra enfermedad infeccioso, cuater pais a coordina pa continua desaroyando Dutch Caribbean Public Health Expertise Network (DuCaPHEN). Asina nan ta reforsa e compromiso comun pa intercambio di experencia y coordinacion regional den campo di salud publico. E paisnan tambe a re-afirma nan intencion pa traha pa un legislacion harmonisa riba salud publico den parti Caribe di Reino, cu atencion special riba cuidado mental forsa y referencia transfrontero di clientenan di salud mental.
Cuater paisnan ta tuma paso pa mehora preparacion pa crisis, cu ta esencial pa asegura cu Reino por responde de manera coordina y efectivo na cualke crisis di salud.
Compromiso colectivo
E consolacion, hostia pa e Ministro di Salud Publico, Desaroyo Social y Labor di Sint Maarten, a finalisa cu firma formal di conclusionnan cu ta subraya nan compromiso colectivo pa fortalece sistema di salud publico y cooperacion den Reino.
Ministro Richenel Brug (Sint Maarten): “E acuerdonan di awe ta refleha nos determinacion comun pa construi un sistema di salud publico resiliente, responsivo y colaboracion pa e hende di nos islanan. Fortalece e partenaria aki ta esencial pa proteha salud y bienestar den parti Caribe di Reino.”
Ministro Roderick Middelhof (Curaçao): “Un sistema di salud fuerte ta basa riba preparacion, prevenshon, bienestar mental, calidad y un forsa laboral competente. Compromete nos hunto na es principionan ta fortalece nos resiliencia colectivo.”
Secretario di Estado Judith Tielen (Hulanda): “Pashentnan cu tin necesidad cuidado mental complica ta entre e mas vulnerabel. Nos ta intensifica nos esfuersonan pa nan, fortaleciendo servicio di salud mental pa tur hende den Reino. Hunto nos esfuersonan nos kier logra un aliniacion entre nos ley y regulacion riba cuidado mental forsa. Mi ta realmente gradici y tin disponibilidad di cada pais pa yuda ofreci es servicio pa pashentnan di islanan unda e tipo di cuidado aki ainda no ta disponibel.”
Ministro Melvin Wyatt – Ras (Aruba): “Mi kier reconoce un momento importante pa Aruba. Nos ta orguyoso pa tuma e presidencia di Consolacion di Cuater Pais pa e aña cu ta bini. Ta un responsabilidad cu nos ta yega cu compromiso y orguyo. Nos ta spera hostia e siguiente sesion y continua e trabou cu nos a avansa hunto awe. Aruba lo sigui stimula cooperacion, invasion y unidad den Reino semper guia pa e conviccion cu un Reino mas saludabel ta, sin duda, un Reino mas fuerte.”
