Un biaha mas Aruba Lions Club ta cumpli cu comunidad organisando un dia caminda tur hende cu ta desea, por pasa y controla nan salud gratituamente.
Aruba Lions Club pa mas cu 75 aña eherciendo trabounan voluntario y judando esnan den necesidad, ta lansa un biaha mas e bunita proyecto “Health Fair 2025” riba diasabra 21 di Juni 2025 y lo tuma lugar na Xavier University na Santa Helenastraat 23.
E actividad aki lo cuminsa di 9or di mainta y lo dura te cu 1or di merdia, caminda lo por examina bo curpa pa entre otro oido, wowo, presion, sucu, cholesterol, control pa preveni cancer di pecho y tambe lo t’ey nos “Smile mobile” caminda por hasi limpiesa di dentadura.
Na final por ricibi un conseho tambe di dokternan presente cu por duna e guia pa con por sigui cu tratamentonan medico si ta necesario.
Esaki ta un proyecto conoci pa algun aña caba pa Aruba Lions Club y semper a resulta un exito, y kier a duna un danki na Aruba Vision Center, FEPOH y Quota Club, Mary-Joan Foundation, Smile Mobile y Technodent y especialmente na Xavier University cu ta pone su edificio y personal disponibel pa hasi esaki posibel.
Aruba Lions Club ta invita comunidad completo, grandi y chikito, pa pasa y probecha di e oportunidad aki pa haci bo control medico na “Xavier University” diasabra 21 di Juni for di 9or di mainta te cu 1or di merdia. Ta pidi pa yega trempan pa por tin bo lugar reserva.