Lider di AVP Mike Eman na salida di reunion cu gobernador ta indica cu tur e dianan aki por a mira di tur dos banda tin diferente speculacionnan si ta FUTURO of ta AVP ta pidi hopi. Sinembargo Mike Eman ta duna di conoce loke cu a ser haci ta ta di cana un proceso unda cu tin un siguransa di tur dos partido e temanan cu nan ta considera hopi importante pa locual ta nan programa di gobernacion y nan pensamento nan por haya tambe un refleho den e reparticion di cartera.
Segun lider di AVP a inverti hopi den e proceso di informado y ta duna di conoce cu tin un base di confiansa hopi fuerte pa tur esnan cu ta drenta den e gobernacion AVP –FUTURO cu un animo hopi grandi pa traha debi cu nan ta wordo reconoce nan mes den e forma cu a haci e reparticionnan.
Segun Mike Eman di e manera cu a haci e negociacionnan ta indica cu a crea un base di confiansa hopi grandi pa por continua cu e di dos parti di negociacion cu ta pa busca e candidatonan y con ta solida e programa di gobernacion. Mike Eman ta kere cu por logra yega na un gabinete di coalicion.