Trabou di renobacion di pier ex- Brisas del Mar na Savaneta a cuminsa. Despues cu na september 2025, Minister di Finansa, Asunto Economico y Sector Primario, Geoffrey Wever, a firma e Uitvoeringsovereenkomst cu e compania cu a gana e destaho pa renobacion y mantencion di e pier di ex-Brisas del Mar na Savaneta, dialuna e trabounan a cuminsa oficialmente cu e acto di groundbreaking pa inicia e ehecucion di e proyecto.
Aunke cu minister di finansas ta indica cu tin un destaho publico cu a tuma luga , pero te ainda no tin na conocemento cuanto compania a bay destaho publico? , kico ta e criterio di destaho publico? y cuanto tempo e compania nan a haya pa nan destaho publico? , y na ki momento e destaho publico a tuma luga?. Ken ta e notario cu a haci e proceso aki ?No tin claridad den e parti aki y tampoco no a publica nada pa comunidad di Aruba tin e informacion , te ainda no ta conoci si e destaho publico a wordo publica y of a tuma luga realmente of cu a dies pik un compania ? Den corant nan oficial y tampoco den landscorant no a wordo publica ningun destaho publico.
E pier di ex-Brisas del Mar ta un infrastructura hopi importante pa comunidad di Savaneta y
ta wordo uza intensamente pa diferente proposito, manera piscamento, landamento, pa bay
y regresa for rif cu boto, y tambe pa actividadnan di diferente fundacionnan y gruponan
comunitario. Pa motibo di e trabounan di renobacion, e pier lo ta temporalmente ‘out of
service’ pa algun siman.
Mantencion y renobacion di piernan rond di Aruba ta forma parti di e prioridadnan di
Gobierno pa fortifica y desaroya e sector di pesca. Pa duna contenido concreto na e vision y
maneho di gobierno pa e sector di pesca, manera palabra den e Programa di Gobernacion
AVP-FUTURO 2025-2028, a aloca un cantidad di Afl. 500.000
pa renobacion di piernan pa nos piscadornan.
E pier di ex-Brisas del Mar na Savaneta ta e prome proyecto den e trayectorio aki, y pronto lo sigui cu e pier den Colony na Rodgers Beach. E pregunta ta si tur e pier nan aki lo tin un destaho publico fantasma ?
Den cuadro di e renobacion, e pier lo haya palo y trapi completamente nobo, diseña pa mehora su durabilidad, seguridad y uso practico. E trabounan ta wordo ehecuta door di un contractor cu amplio experiencia, cu a realisa renobacion y mantencion di diferente piernan na Aruba pa basta aña.
Infrastructura basico y adecua ta esencial pa crecemento y desaroyo sostenibel di e sector di pesca. E compromiso di Gabinete AVP-FUTURO ta pa facilita nos piscadornan y e comunidad en general cu e infrastructura necesario pa por continua usa e piernan aki, sea pa eherce nan ofishi of pa disfruta di nan tempo liber na lama.
“Segun e mandatario pronto lo sigui cu renobacion di e siguiente, te ora cu nos logra
renoba tur. Pronto e pier di ex-Brisas del Mar lo ta completamente renoba y cla pa uzo di
nos piscadornan y di tur habitante di Savaneta,”
