Social

Día Mundial di Concientisación riba Abuso di Anciano


E aña aki, e Día Mundial di Concientisación riba Abuso di Anciano ta coincidi con dos evento importante. E prome ta e inicio di e Década di Nacionan Uni pa Envehecimento Saludable. Esaki ta marca e comienso di diesun aña di colaboración y sosteni pa diferente partido interesa pa mehora e bida di personanan adulto mayor, nan famia y nan comunidadnan. E di dos ta 21 aña
di e Segundo Asamblea Mundial riba Envehecimento y e di cuatro revisión y evaluación di e implementación di e Plan di Acción Internacional di Madrid riba Envehecimento (MIPAA). Un plan di acción cu Fundacion Alzheimer Aruba desde comienso semper a sostene y apoya. MIPAA ta representa e prome biaha cu gobiernonan a acorda y vincula cuestionan di envehecimento y acopla esakinan cu otro marconan pa e desarroyo social y económico y e derechonan humano.

E 159 estadonan miembro cu a firma e Plan di Accion di Madrid (MIPAA) a reafirma e compromiso pa pone tur esfuerso hunto pa proteha e derechonan humano y libertad fundamental, incluso e derecho di desaroyo.Tur esaki cu enfoke riba eliminación di tur forma di maltrato di anciano, negligencia, abuso y violencia contra anciano. Ambos obhetivo ta ensera accionan di revisión di e política, traha ley nan y iniciativonan di sensibilisación, información, capacitación y investigación. Sinembargo, den ausencia di un stándard internacional riba derechonan di adultonan mayor, e diferencianan y distancia entre politica y práctica, y mobilisación di recursonan humano y financiero necesario, manera e progreso desigual den implementación di MIPAA. Un instrumento legal internacional pa e adultonan mayor sigur lo promove e implementación y responsabilidad di e plan di Accion di Madrid.

Bo tabata sa?
•Alrededor di 1 di cada 6 persona mayor di 60 aña a experiencia un of otro forma di abuso den institutonan comunitario ultimo aña?

•E tasa di abuso di anciano ta hopi halto mes den institucionan manera casnan di cuido di anciano, y centronan di cuido di largo duración. Unda cu 2 di cada 3 miembro di e personal a admiti di a comete abuso di anciano e aña cu a pasa?

•E tasa di abuso di anciano a aumenta durante e pandemia di COVID-19.

•E abuso di anciano por provoca lesionan físico grave y consecuencianan psicológicas (y morto) a largo plazo.

•Ta ser pronostica cu abuso di anciano lo aumenta, ya cu hopi país ta experienciando un envehecemento rápido di e población.

•E población mundial di hende di 60 aña of más lo bira dobbel y crece, di 900 miyon na 2015 na alrededor di 2 mil miyon na 2050

Related posts

Sabiduria den nos alegria ! Skirbi pa Ruthy”Lady Ruth” Vrieswijk-Bergen

EA News Author

Fundacion Orguyo den colaboracion cu Cas di Cultura ta organisa un anochi di crea coneccion y topa otro

EA News Author

Autor Benjamin Romero ta publica su di tres buki, titula ‘E virus misterioso

EA News Author

Leave a Comment