Politica

Fraccion di MEP a entrega peticion oficial A solicita reunion publico pa debati riba e 4 rapportnan di Algemene Rekenkamer, primordialmente riba esun di ‘Bo Aruba’


ORANJESTAD,Aruba

Parlamentario Endy Croes den un conferencia di prensa siman pasa a ilustra 4 rapport cu Algemene Rekenkamer a entrega na Parlamento di Aruba. Ta trata di rapportnan 1. Focusonderzoek, zicht op subsidie, 2. Focusonderzoek, Oorzaken overwerk KPA, KIA, en CEA, 3. Publiek Private Samenwerking (PPP) Green Corridor y Watty Vos Boulevard, 4. Bo Aruba. Rapport Bo Aruba sinembargo ta trata proyectonan balora na 1600 miyon florin di cual Mike Eman y Benny Sevinger a otorga 1000 miyon florin caba, esta 1 Biyon florin promer cu nan a baha. 

Desde 2018 Parlamentario Endy Croes a splica cu el a manda un carta Hulanda y tambe pa Ministerio Publico solamente puntrando nan opinion riba e rapport aki. Lamentablemente ni Hulanda tampoco Ministerio Publico a duna un contesta alrespecto. Fraccion di MEP a reuni riba e 4 rapportnan aki siman pasa y a yega na e conclusion cu e 4 rapportnan aki mester wordo trata den un debate publico, esta un reunion publico pa asina pueblo por wordo informa di nan contenido, primordialmente “Bo Aruba” y asina ilustra e decadencia con AVP a maneha, horta y “mafia” e pais aki publicamente. 

E reunion aki lo nos yega na conclusionnan y mediante algun mocion Fraccion di MEP lo urgi gobierno pa entrega kehonan oficial na Ministerio Publico pa inicia cu un otro investigacion contra Benny Sevinger kende te hasta a nenga di contesta Algemene Rekenkamer su preguntanan.

Fraccion di MEP a haci un suplica na Presidente di Parlamento pa yama e reunion publico lo antes posibel pa nos por debati riba e rapportnan aki, pa trece claridad y esnan cu a comete actonan di bandido lo mester para responsabel pa nan actonan.    


Related posts

Durante reunion virtual entre Prome Minister y Minister di Relacionnan exterior di Reino: A trata varios tema di importancia Internacional, entre otro Venezuela y Ukraina

EA News Author

Alan Howell : Minister di finansas a cumpli cu su peticion pa comunidad di San Nicolaas

EA News Author

Parlamentario drs. Shailiny Tromp-Lee (MEP): Contrario na tur speculacion negativo Minister President ta cumpli!

EA News Author

Leave a Comment