Local

Fundacion CINEARUBA ta invita comunidad pa bin wak y vota pa e pelicula faborito di publico


ORANJESTAD,Aruba

Diahuebs awor Fundacion CINEARUBA lo presenta ‘Shortcutz Amsterdam International Audience Award.’ E evento lo inicia 8’or di anochi y e lo tuma luga na Baz-rrr Galleria y Brassserie den centro di ciudad na Emma Straat 3. Durante e evento e publico lo por disfruta di shete peliculanan cortico cu ta compitiendo pa e premio di e pelicula faborito di publico. Despues di e presentacion e publico presente lo vota pa nan pelicula faborito. 

Shortcutz Amsterdam ta forma parti di e mes un network cu Shortcutz Aruba.

Manera tur aña e premio publico di Shortcutz Amsterdam ta wordo dicidi door di e publico di diferente pais. Un total di 28 ciudad perteneciente na 15 pais ta participando entre otro Hong Kong, Angola, Italia, Brazil y Inglatera. Tur e peliculanan cu lo wordo presenta durante e anochi di diahuebs lo tin subtitulo na Ingles. Entrada na e evento lo ta completamente gratis. Pa mas informacion por bishita e pagina di Facebook di CINEARUBA.


Related posts

Archivo Nacional ta anuncia cu nos ta drentando e ultimo siman di Campaña 3C

EA News Author

Pronostico di tempo valido te diaranson 02 di september 2020, 18:00 ora.

EA News Author

EA News Author

Leave a Comment