Helicopter di Kustwacht a sali pa saca hoben di 18 aña cu a cai for di baranca

Ayera den oranan di anochi pa ta presiso 6:45 Rescue & Coordination Center (RCC) di Kustwacht a drenta  un peticion di polis di Boneiro pa asisiti na un caso cu a sosode na Boca Slaagbaai. Polis di Boneiro a haya e yamada cu tin un hoben di 18 aña cu lo a cai for di baranca den lama y a dal su cabes. Sinembargo a manda asistencia di ambulance pero nan no por a haya e caminda pa por a yega na Boca  Slaagbaai. Asina e Helicopter di kustwacht a sali y a bay duna asisitencia mesora unda cu nan a saca e hoben di awa y a bay airopuerto cu ne na unda cu un ambulance tabata na espera di su yegada pa asina hibe mesora hospitaal Mariadaal.