Local

Informacion importante den cuadro di Coronavirus: Pone bon atencion si bo tin un cita na Hospital


ORANJESTAD,Aruba

Den cuadro di coronavirus e profesionalnan na Hospital a traha riba diferente protocol
pa asina ehecuta na momento cu Aruba haya su prome pashent positivo. Hospital kier
evita todo por todo aglomeracion di hende den areanan publico, cambernan di
espera etc y pues ta tuma e pasonan necesario pa minimalisa riesgo di contagio.
Hospital ta hasi un apelacion pa ta pendiente paso e diferente departamentonan di
servicio di Hospital mes of e specialista lo ta yamando su pashentnan si bo tin un cita
planea durante e proximo dianan. A base di e informacion medico di e pashent lo
dicidi si e cita ta bira uno telefonico, si ta cancela e cita y traha uno nobo, of ta pidi bo
presenta na e cita. Tene na cuenta cu esaki ta valido pa casonan cu no ta di
emergencia. Si bo tin cualkier pregunta por tuma libremente contacto cu e
departamento concerni of specialista. Si bo tin sintoma di coronavirus porfabor yama
280 0101. Sintomanan di coronavirus ta keintura riba 38 grado, tos seco y problema pa
hala rosea.
Tambe ta importante pa informa cu no lo sigui cu e operacionnan planea sino
solamente cu operacionnan di emergencia. Departamento di Opname lo tuma
contacto cu bo persona pa asina duna splicacion y informa debidamente.
Hospital ta pidi un y tur si bo tin un di e sintomanan di coronavirus no bini Hospital sino
keda bo cas y yama e callcenter na 280 0101.
Pa cualkier pregunta por tuma contacto cu departamento di servicio y/of oficina di
specialista encarga cu bo cuido.


Related posts

Reaccion di minister-president y minister di finansa, asuntonan economico y cultura

EA News Author

Dia di Betico, dia 25 di januari ta dia liber y comercio mester ta sera

EA News Author

Pastor Marcel Balootje: Lo sosode cu bo, manera bo a kere

EA News Author

Leave a Comment