Aunke Ministerio di Asuntonan Exterior y Ministerio di Defensa a reafirma cu Hulanda ta dispuesto pa yuda Aruba si un situacion eventual ta presenta, e modulo di asistencia no ta conoci,si duna e support directo of support cu condicion,no a ser expresa cu claridad. Segun es dos ministerio, Hulanda lo sali na vanguardia si e siguridad di islanan Caribeño ta rekeri, pero detaye concreto riba e tipo di ayudo ta falta.
E falta di definicion ta yega despues kisas , pero di recorda e experencia durante pandemia di COVID-19, ora Aruba a haña ayudo manera e palabra ta indica , esaki no a sosode segun na e mes un statuto cu awe ta referi na dje, ta kere cu mester pone e cosnan mas cla riba mesa, sea e palabra ayudo y sosten ta realmente loke e palabra ta bisa of e ta den forma di prestamo cu finalmente ta bini cu condicion y pago. Segun lider di fraccion di PPA, Eduard Pieters, aunke base di e Statuto ta mustra cu miembronan di Reino mester yuda otro den situacion di necesidad, Hulanda no a duna clarificacion explicito con e principionan aki lo ta aplica den un posibel yudansa den futuro, mirando atras kico Hulanda a haci cu Aruba durante di COVID..
Pieters a agrega cu, aunke e pregunta mortal riba con ayudo lo wordo structura a keda sin respuesta, no tin motibo pa panico. Aruba, Boneiro y Corsou no ta bao menasa actual y tampoco ta forma parti di e tension entre Venezuela y Merca. Segun e informacion suministra na Tweede Kamer, e situacion regional ta estable y islanan Caribeño por keda trankil.