Di 9 di Mei te ku 9 di Yüni e ekipo di buseo di 2do Batayon di Rekonosementu 2do Divishon di Marina, Kuerpo di Marina di Merka (“2nd Reconnaissance Battalion 2nd Marine Division, United States Marine Corps”), ta na Aruba pa e ehersisio “Caribbean Coastal Warrior”. Durante e treinen di buseo anual aki e Marinirnan Merikano ta traha huntu ku Eskuadron di Marina Carib (Marine Squadron Carib) ku ta stashoná na Aruba. E treinen ta forma parti di un programa di interkambio entre Marina Hulandes i Merikano, durante kua ta trein ku interkambio den tantu Region Karibe komo na Estádos Unídos di Merka.
Mas den kuminsamentu di e aña aki, na Aprel 2025, a tuma lugá na Merka na Camp Lejeune, ku ta e base di Kuerpo di Marina di Estádos Unidos (United States Marine Corps), e ehersisio Caribbean Urban Warrior, durante kua Marinirnan di Eskuadron di Marina Carib Aruba, e Destakamentu di Marina Sint Maarten ademas di e gruponan di boto di Aruba i Kòrsou, a trein huntu ku Marinirnan Merikano. Treinmentu i ehersisio konhunto den ámbos pais ta reforsá e kolaborashon entre e kuerponan. E ta promové lasonan mutuo i ta ofresé oportunidatnan balioso pa siña di otro.
E training di buseo aktual ta tuma lugá na Aruba y ta enfoká riba abilidat táktiko di buseo ku un Respiradó (rebreather). E entrenamentu ta wòrdu kondusí pa vários ekipo i buseo di Kuerpo di Marina di Merka ( United States Marine Corps).
