FeaturedLocal

Mas di mil pensionado di Aruba cu ta cobra via SVB Corsou ta pasando dolor di cabes cu nan placa

Sra Francis Figaroa 1

Sra Francis Figaroa ta un pensionado cu ta conhuntamente cu mas pensionadonan cu ta lucha pa nan derecho. Tin mas cu 1000 Arubiano na Aruba cu ta haya pension di SVB Curaçao. Den e delaster añanan tur e pensionadonan di Aruba cu ta cobra via di Corsou ta hayando un trato cu no ta husto.

Desde 2016  a kita e bonus di pasco , na januari 2017 SVB Corsou a corta riba e pension cu 10%.Tur e Arubianonan cu ta biba na Aruba of den exterior cu ta cobra pension di SVB Corsou a mira e recorte riba nan pension.

Pa e motibo aki un grupo a dicidi di lanta un comision y vocifera cu e situacion aki ta un inhusticia cu ta kita tur e pensionadonan di Aruba for di mesa di e manera aki. Pa añanan largo e pensionadonan ta conta cu e placa aki y e ta un derecho adkiri caba cu nan tin riba e sumanan aki. Pa e motibo aki mes a tuma e decision di lanta un caso unda cu basta Arubiano a registra na e comision cu a lanta y asina a dicidi di bay corte cu e caso.

E caso a bay corte na corte di Corsou, esaki ta significa cu esunnan cu berdad a registra na e comision ta yuda cu un contribucion pa paga e gastonan di abogado pa asina e abogado por hiba e ponencianan padilanti. E pensionadonan na Aruba ta sinti nan mes discrimina, inhusto trata.

Sinembargo no ta Aruba so a haya su mes cu e problema aki , pero Boneiro, St maarten,Saba y St Eustatius tambe, pero abogado Bijkerk na Boneiro a bringa e caso y a gana e caso aki tambe pa e pensionadonan di e islanan ruman pero Aruba a keda afo. Esaki ta loke tainhusto y pa e motibo aki mes ta bringa pa derecho igual.

SVB Curaçao a reacciona riba e puntonan di Aruba y a caso a bay corte y despues Aruba a reacciona  y awo SVB Corsou un biaha mas ta pidi pa nan por reacciona y bin cu nan puntonan padilanti. Awor lo mester warda y mira kico ta loke SVB Curaçao ta bin cu ne un biaha mas.  Na e momentonan aki tur cos a keda trata por escrito entre abogado y abogado y e partidonan no a drenta den sala di corte ainda segun Sra Francis Figaroa

E informacionnan cu ta circulando cu tin un miembro di comision a reuni cu un minister no ta cuadra cu berdad debi cu no a papia cu ningun minister. Actualmente ta warda kico ta e resultado di e ponencianan di banda di SVB Corsou pa asina haya sa kico ta e siguiente pasonan cu lo keda tuma.

Related posts

Parlamentario Shailiny Tromp Lee : Aruba tin speransa y lo keda cu speransa

EA News Author

Prome Minister Evelyn Wever-Croes: Pius x School a instala Eboards cu nan a gana cu e proyecto di Edutech

EA News Author

Bonaire Tourism Scholarship Program ta sostené duo kulinario riba nan biahe inspirativo pa Bulgaria

EA News Author

Leave a Comment

Whatsapp Message