CuracaoFeatured

Mester amplia konosementu di trahadónan riba leinan laboral

Mester Amplia Konosementu Di Trahadonan Riba Leinan Laboral

MFK ku anochi informativo

I tambe nan derechinan

MFK kier halsa e konsiensia serka trahadónan riba Leinan Laboral aki na Kòrsou. P’e motibu aki mes frakshon di MFK ta invitá un i tur na un anochi informativo, kaminda lo trata Leinan Laboral i tambe derechi dje trahadó.

Na vários okashon trahadónan lokal a aserká miembronan di Frakshon di MFK ku preguntanan riba leinan laboral. Hopi trahadó a pèrdè trabou durante pandemia. Hopi trahadó ku despues di pandemia a haña un trabou, ta konfrontando situashonnan kaminda nan a haña un asina yamá “nul uren contract”. Tambe tin trahadó ku a haña “oproep kòntrakt” i tin otronan ku a haña kompletamente un otro tipo di kòntrakt.

Tin trahadó ku na momento ku un dunadó di trabou terminá un akuerdo laboral, no ke kumpli ku pago di dianan di vakashon òf ku no kier kumpli ku e “Lei di cesantia”.

Tin siudadano tambe ku no sa kiko ta nan derechi komo trahadó.

P’e motibu aki, frakshon di MFK djarason dia 30 di novèmber 2022 ta organisá otro enkuentro titulá “Topá mi na kaminda” na Gibi Ala’s Place na Stenen Koraal ku komo invitadonan Howard Luckert kende ta un èks funshonario di e departamentu di labor na SOAW i tambe Minister di Hustisia, mr. Shalten Hato.

E enkuentro lo ta di 7 or pa 9 or anochi.

Ku bo tin kualkier duda òf pregunta riba situashonnan ku tin di aber ku Leinan Laboral, asistí libremente i asina haña kontesta riba bo preguntanan.

Kòrda ku un siudadano bon informá ta destiná pa progresá!!!

Tur hende ta bon biní, pues un boka bisa otro.

Related posts

Guardian Group contento di por aporta na nos futuro generacion

EA News Author

Rudy Lampe ta coregi mal informacion di minister Endy Croes tocante DPS

EA News Author

Minister Oduber contento cu miles di turista ta bishitando San Nicolas Visitor Information Center

EA News Author

Leave a Comment

Whatsapp Message