LocalFeatured

Minister Endy Croes a reuni cu directiva di Stichting Voortgezet Onderwijs Aruba (svoa) y centro deportivo playa (CDP)

Minister Endy Croes A Reuni Cu Directiva Di Stichting Voortgezet Onderwijs Aruba Svoa Y Centro Deportivo Playa Cdp

Recientemente, Minister Endy Croes a reuni cu directiva di Stichting Voortgezet Onderwijs Aruba (SVOA) y directiva Centro Deportivo Playa (CDP). CDP ta maneha e gymzaal cu ta riba e tereno di Colegio Arubano, cual ta tereno di Gobierno di Aruba. Sr. Junny Figaroa di Dienst Uitvoering Onderwijssubsidies (Duos) tambe tabata presente na e reunion. Durante e encuentro, a trata primordialmente e situacion di CDP, entre otro, e condicion di e gymzaal. Tambe, a trata e cambionan interno pa cu esaki. Manera ta conoci, pa hopi aña no tabatin atencion of un direccion debido pa cu CDP. Awo, tin un directiva nobo cu plannan strategico pa haci e gymzaal “self-sustainable”. E prijs cu SVOA tabata paga pa huur di e gymzaal ta data mas di 30 aña bieu. Hunto, a dialoga riba e facetanan y pa calcula un model nobo.

Pa conclui, Minister Endy Croes a indica cu e tabata un bon reunion. Tin un liña comun y conhunto. Tanto SVOA y CDP a haya un tarea pa haci. CDP tin e tarea pa presenta un prijs final. Duos tin e tarea pa sondea e posibilidad si tin financiamento pa e prijs final. SVOA tin cu elabora su plan di gym. Dentro di un siman lo reuni bek pa por yega na un acuerdo nobo y moderno. Banda di esaki, CDP tin un plan pa renoba e gymzaal, drecha e baño, luz, dak y inverti den material. Minister Endy Croes a indica di ta contento di con e reunion a bay, den liña grandi a yega na otro y ta contento di tende di CDP e rumbo cu nan ta bay pa mantencion y renobacion di e gymzaal. 

Comunicado Minister di Enseñansa y Deporte Endy Croes

Minister Endy Croes A Reuni Cu Directiva Di Stichting Voortgezet Onderwijs Aruba Svoa Y Centro Deportivo Playa Cdp.3

Related posts

Upgrading works at Fort Bay Harbor ongoing

EA News Author

Leonardo Figaroa: Famianan Arubano mester un rosea pa no drenta den e pobresa nobo

EA News Author

Prome Minister di St Maarten Silveria Jacobs: Aruba, Corsou y Sint Maarten lo traha hunto mas estrecho cu Hulanda

EA News Author

1 comment

Leave a Comment

Whatsapp Message