LocalFeaturedDeporte

Minister Endy Croes ta felicita Colegio B. Tromp cu a titula campeon di trefbal den weganan escolar interinsular 2023

Colegio B. Tromp .

Atletanan di Aruba a conkista tambe diferente medaya den disciplina atletismo

Diadomingo anochi, Minister Endy Croes tabata na Aeropuerto Internacional Reina Beatrix pa yegada di delegacion di Aruba cu regresa di Curaçao cu e titulo di campeon den trefbal di Weganan Interinsular 2023. Ekipo di Colegio Felipe B. Tromp a derota Curaçao 3-2 den un final emocionante. Cu hopi alegria y entusiasmo e alumnonan di Colegio Felipe B. Tromp a ordo ricibi door di nan mayor-, amigo-, amistad- y maestronan di scol cu tabata warda nan cu blaas y flor. Despues di shete aña Weganan Interinsular entre e scolnan di Aruba, Boneiro y Curaçao ta tumando luga bek. Minister Endy Croes a indica cu hunto cu colega Minister di Enseñansa, Ciencia, Cultura y Deporte di Curaçao Sithree van Heydoorn y Diputado di Infrastructura y Deporte di Boneiro James Kroon a traha hopi duro pa cuminsa cu Weganan Interinsular bek y aña pasa den e luna di september a firma un acuerdo cu hunto lo trece Weganan Escolar Interinsular bek. 

Den e disciplina di atletismo tambe nos atletanan a sobresali:

Categoria 10-11 mucha muhe

Mia Jansen di scol Sagrado Curason a logra conkista prome luga.

Categoria 12-13 mucha muhe

Junaily Carty, scol Colegio Laura Wernet a keda na di tres luga.

Categoria 12-13 mucha homber

Kymani Hazel di scol Washington a logra un di dos luga.

Estafette di Aruba a logra un di dos luga den e categoria 10-11 y nos atletanan a logra un di dos luga den 12-13. Minister Endy Croes ta expresa cu e ta hopi orguyoso di nos atletanan cu a representa Aruba den e Weganan Interinsular na Curaçao y a logra conkista e titulo maximo di e toreno. Pabien na IBISA, Indebon di Boneiro y FDDK di Curaçao cu ta esnan cu a prepara e Weganan Interinsular den seis diferente disciplina. E clausura di Weganan Interinsular 2023 ta tuma luga na Aruba den e luna di april proximo. Ministerio di Deporte hunto cu IBISA ta encarga pa e evento aki y lo prepara un show bunita pa e pueblo di Aruba y pa e bishitantenan di Curaçao y Boneiro cu ta bay ta akinan durante e clausura di Weganan Interinsular.

Colegio B. Tromp ....Colegio B. TrompMinister Endy Croes 6

Related posts

Parlamentario Marco Berlis (MEP): De Meza a declara cu el a trek in e caso contra Briesen paso no tawata tin base pa persigui’e

EA News Author

Prome minsiter ta entrega bandera di aruba na atleta paralimpico elliott loonstra

EA News Author

Prome Minister Evelyn Wever-Croes: Muchanan di klas 5 di Reina Beatrix school a duna prome minister un presentacion riba e bida di Betico

EA News Author

Leave a Comment

Whatsapp Message