Presidente di sindicato di Polis, SPA, Lito Lacle, a lansa cuestionamento serio riba e maneho financiero di Gobierno di Aruba, puntrando pakico ta creando un ‘investeringsfonds’ mientras cu Cuerpo Policial (KPA) y Departamento de Legislacion y Asunto Huridico (DWZ) ta enfrenta un escasez critico di personal.
Fondo di 40 miyon pa ministerio, pero kico ta bay pa KPA?
Lacle a splica cu el a comprende cu tin un ‘investeringsfonds’ di 40 miyon florin disponibel. Sinembargo, e fondo aki ta destina pa tur ministerio den general. Ante esaki, e lider sindical ta cuestiona si Cuerpo Policial ta un prioridad pa e gobierno aki ?: “Kico ta e costonan pa reorganisa Cuerpo Policial? E dos contestanan ey nos no a haya nan ainda,” Lacle a enfatisa.
E preocupacion di SPA ta bira mas grandi ora ta analisa e distribucion di e fondonan. Mientras cu e fondonan di e ‘investeringsfonds’ ta wordo generalisa pa full e aparato gubernamental, e parti cu KPA por ricibi kico lo e ta na final di dia ?
Un yamada na Ministerio di Husticia y Parlamento (Staten)
Lacle a haci un pregunta directo structuralmente tanto na Minister di Husticia como na gobierno den general: “Kico lo pone un banda pa Cuerpo Policial? Kico ta e prioridadnan den Cuerpo Policial?”. E scarsedad di personal ta bisto, y SPA kier sa si tin un recorte real den e presupuesto di 2026, specialmente un recorte structural den e presupuesto di personal cu por alcansa te cu 10%.
E critica di SPA no ta bay unicamente pa gobierno, sino tambe pa Parlamento (Staten), incluyendo tanto coalicion como oposicion. Lacle a cuestiona fuertemente con ta posibel cu Parlamento por vota riba un presupuesto sin conta cu e cifranan exacto.
El a duna di conoce cu nan a haya un concepto di un ‘samenvatting’ (resumen) di e presupuesto pa Ministerio di Husticia, pero esaki no tin e cifranan detaya. Segun Lacle, e manera di traha aki ta un boticario cu tin hopi aña ta pasa, caminda Parlamento ta vota structuralmente riba un resumen so. “Con por ta posibel cu un ‘Statenlid’ por vota cu hala di manteca , of ciego? Kico ta e presupuesto real pa Cuerpo Policial, por ehempel? Nan no tin’e,” Lacle a conclui, exigiendo transparencia total pa e cuerpo y pa comunidad.