Aña 2020 ta un aña di crisis y e tabata un aña hopi duro pa gobierno di Aruba, ningun gobierno a pasa den dje y cu por a maneha, cu Aruba a keda cu su cabes riba awa. Enseñansa tabatin menos presupuesto cu loke tabata custumbra di tin y esaki no ta un situacion facil. Segun Lampe, di otro banda 2020 a keda proclama aña di innovacion, e tabata un aña di crisis pero e la resulta di ta un aña di innovacion.
Enseñansa a logra spaar 8 miyon florin riba loke tabata gastonan ineficiente den enseñansa. Segun e mandatario aki tabatin diferente discusion riba diferente orarionan di trabao, con pensionadonan mester keda paga y riba tur esaki loke cu tabata ineficiente den enseñansa a logra na final di saca 8 miyon florin cu gobierno di Aruba a hinca back den innovacion di enseñansa.