Minister Xiomara Maduro: Pandemia no tabata wega y asina mes a informa parlamento di tur cos

Durante di pandemia e structura di parlamento a cambia completamente unda cu hasta no tabata permiti pa tin parlamentarionan den Sala y cu ta solamente tres persona por ta den e Sala, un parlamento cu a funciona no normal mirando cu tabatin pandemia, sinembargo a haci reunionnan di urgencia e tempo ey. Minister Xiomara Maduro ta kere cu parlamentario nan ta lubida den e situacion cu Aruba tabata aden y asina mes via di un carta a informa parlamento di tur loke gobierno tabata haciendo.