Aruba TurismoFeatured

Pa luna di maart 2023 e resultadonan di turismo ta sigui impresionante na Aruba

Pa Luna Di Maart 2023 E Resultadonan Di Turismo Ta Sigui Impresionante Na Aruba

Minister di Turismo y Salud Publico sr. Dangui Oduber ta comparti e ultimo resultado di Aruba su turismo cu a keda publica pa ATA. E cifranan di luna di maart 2023 nos turismo ta sigui impresionante segun e mandatario. Te cu awor tur luna den aña 2023 a surpasa esun di aña 2019.

Den luna di maart 2023 Aruba a ricibi 109.295 turista stayover. Esaki tawata un recuperacion di 102% den comparacion cu maart 2019.
Pa e promer cuartal di aña 2023 Aruba a ricibi 306.305 turista cual ta 4.1% mas hopi cu e promer cuartal di aña 2019.

E mandatario ta remarca cu aña 2019 tawata e mihor aña den historia pa nos turismo y ta pesey ta uza aña 2019 como e aña di referencia ora ta fiha riba e strategia di recuperacion.

“Aruba su resultado ta impresionante y esaki sigur ta danki na e bon sinergia y “teamwork” cu tin entre Ministerio di Turismo y tur e partnernan den turismo”
Minister Dangui Oduber ta yama danki na Aruba Tourism Authority (ATA), Aruba Ports Authority (APA) N.V., Aruba Hotel and Tourism Association (AHATA), Aruba Time Share Association (ATSA), Aruba Airport Authority (AAA), Aruba Vacation Rentals Association. Danki tambe na tur departamento di gobierno y tur cu ta labora den e industria pa e tremendo resultado aki. “Nos mester ta orguyoso cu e prestacion aki!” e mandatario ta termina bisando.

Pic Tourismresults Maart2023.3Pic Tourismresults Maart2023.2

Related posts

Cantidad di peluche cu a keda atras ta simbolisa e dolor den alma y daño cu e pedofil a causa na nos muchanan

EA News Author

Minister di finansa y cultura 100 dia di gobernacion – Gabinete Wever Croes II

EA News Author

Serie di Programa di television ‘Aruba Fuerte y Resiliente – Reactivando nos Economia – cu un programa tocante e proyecto SISSTEM

EA News Author

Leave a Comment

Whatsapp Message