Parlamentario Dangui Oduber a manifesta su preocupacion riba falta di transparencia den gestion di Minister Gerlien Croes, segun e ta negando contesta preguntanan di Parlamento relaciona cu su biahe reciente den jet priva.
Oduber a enfatisa cu e no ta cuestiona derecho di minister di scoge su medio di transportacion; e punto principal ta cu e mester informa Pueblo di Aruba y Parlamento den manera transparente. Segun Oduber, fraccion di MEP a presenta mas di 100 pregunta riba e tema, y si Minister Croes ta honesto, e por contesta tur preguntanan aki sin problema.
E parlamentario a enfatisa cu transparencia y responsabilidad ta fundamental den gobernacion, y cu ocultashon di informacion por mina confianza di pueblo den su lideres.