Politica

Parlamentario Dellanire Maduro: Ta importante pa sigui realisa sesionnan informativo riba Coronavirus


ORANJESTAD, Aruba

Dellanire Maduro a asisti na un anochi di informacion pa tur dunador di cuido na Aruba tocante Coronavirus. E anochi aki a wordo organisa door di hospital y e parlamentario di POR ta elogia hospital pasobra di e forma aki tur hende ta haya e mesun splicacion riba ki conocemento tin riba e virus te cu awor aki.

E ta cita director general di Organisacion Mundial di Salud bisando cu mester traha riba echonan, riba e parti cientifico y no mester actua riba miedo. Durante e anochi aki por a mira cu tin instancianan na Aruba ta trahando basta duro pa duna informacion, pero mester logra pa tin un corelacion entre otro y ta importante pa e tipo di sesionnan asina sigui tuma luga.

A wordo informa cu diamars lo mester tuma lugar un reunion cu diferente instancia pa caba di wak e lasonan entre e protocolnan y uninan na otro. Ora esaki keda cla, Parlamento lo desea di ricibi esakinan.

Related posts

Parlementario Alvin Molina: Aña presupuestario 2022 lo mester tin extra enfasis riba nos capital humano

EA News Author

Minister Dangui Oduber : E weekend aki lo organisa 2 dia nacional di vacunacion

EA News Author

Gobierno a dicidi di no renoba contracto cu Errol Sjak Shie na DIP

EA News Author

Leave a Comment