Politica

Parlamentario Endy Croes: Gobierno ta trahando riba personeelskosten “Keulen en Aken zijn niet op een dag gebouwd”


ORANJESTAD, Aruba

Parlamentario Endy Croes den un entrevista cu Baboe na Power FM a duna un splicacion amplio ayera riba e pregunta cu gobierno no a haci nada pa baha personeelskosten cu segun e noticiero tabata un preocupacion grandi di CAFT. Parlamentario Endy Croes a splica cu e no ta di acuerdo cu e ponencia y hustamente e gobierno aki a logra baha e personeelskosten durante aña 2019 na 478.6 miyon cumpliendo asina cu e norma palabra den protocol di 22 di november 2018 esta cu mester alcansa 479 miyon florin durante 2019. 

Interpretacion eroneo di CAFT

Parlamentario Croes a splica tambe cu ta CAFT a cuminsa cu un discusion innecesario unda den un conseho dirigi na Minister di Finansas data 2 di september 2019 CAFT mes ta splica cu no tin negosacionnan andando ainda entre Staatsecretaris e tempo aya Knops y gobierno di Aruba alrespecto e interpretacion di e acuerdo. Pues segun CAFT 3.7 miyon di Social Crisis Plan mester ta inclui den e 479 miyon y segun gobierno cu ningun caminda esaki ta ancra asina den e protocol y gobierno tin rason tambe pasobra berdad e no ta poni den protocol incluyendo Social Crisis Plan cual porcierto ta temporario. Apesar cu CAFT mes ta splica esaki den mesun advies ey CAFT ta conseha Rijks Ministerraad pa duna Aruba un aanwijzing. Dia 24 di september CAFT ta manda Staten un carta cu su conseho di aanwijzing basa riba un interpretacion cu e mes ta bisa cu no ta cla. Depues den un protocol di 22 november 2019 esaki awor a wordo aclarea. No tabata tin ningun ansha pa un KB of aanwijzing e tempo aya. 

Mester drecha e desaster di AVP

Parlamentario Croes a sigui splica cu gobierno desde su entrada a encontra e caos y e desaster financiero y mesora a traha riba e FEM esta Financieel Economische  Memorandum y den e FEM aki tin un parti integral cu ta e BVP esta e Beleid Verlaging Personeelskosten cual ta consisti di 7 punto. Pa nombra algun. Lo limita pa tuma empleado den servicio, empleado cu bay cu pensioen no lo wordo remplasa, contractonan cu vence no lo wordo prolonga y a ofrece pakete di VUT dos aña tras di otro. Esakinan ta algun ehempel di e 7 puntonan di accion pa logra baha gastonan di personal pa por cumpli cu acuerdonan cu Hulanda. Aunke con zuur esaki ta pa un politico pero mester drecha e desaster di AVP cuminsando un caminda. Pa cu aña 2020 tin palabra cu Aruba no mag di surpasa 476 miyon na salario di ambtenaar cual porcierto ta alrededor di 34% di henter presupuesto di pais Aruba. 

Un surplus chikito den 2019

Parlamentario Endy Croes a duna amplio splicacion pakico no ta di acuerdo cu e ponencia cu gobierno no a haci nada, alcontrario gobierno a haci hopi y a cumpli cu e norma di personeelskosten. Banda di esaki cifranan real di aña 2019 a ilustra cu a logra hasta un surplus chikito den 2019 unda e acuerdo ta cera na 25 miyon di deficit. Pues waar een wil is is een weg. Gobierno a mustra su curashi pa drecha e desaster di AVP y aña 2020 lo ta uno cu hopi reto como cu mester logra 25 miyon surplus pa cuminsa finalmente paga debenan cu Mike Eman y AVP a orkestra. Parlamentario Endy Croes ta termina bisando Keulen en Aken zijn niet op een dag gebouwd. Nos ta riba e bon caminda.  


Related posts

Lider di Fraccion di AVP, mr. Mike Eman: Mester por otro y Mester ta otro!

EA News Author

Parlamentario Ryçond Santos do Nacemento : Lesa e documento di Ganadian bank note pa bo mes

EA News Author

Marisol Lopez-Tromp a entrega su retiro for di parlamento pa asina asumi su responsabilidad nobo como Minister di Infrastructura, Desaroyo Teritorial y Medio Ambiente entrante otro siman

EA News Author

Leave a Comment