Politica

Parlamentario Endy Croes: Lo haci rond di 200 mucha contento Luznan pa Sporting Club United na Noord birando realidad sin ningun sosten di Lotto pa Deporte


ORANJESTAD,Aruba

Parlamentario Endy Croes a dedica diadomingo ultimo pa bishita algun hogar na Aruba, alabes scucha kico ta biba den comunidad. Den transcurso di dia Parlamentario Endy Croes kende tin Deporte na su curason a pasa tira un bista riba e cancha deportivo esta e veld di futbol di Sporting Club United na Noord como cu trabounan ta avansando riba e veld aki pa cu iluminacion. 

Desde november 2017 cu a drenta gobierno tabata un di e peticionnan pa duna contribucion na e tereno aki cumpliendo cu nan deseo maximo pa nan bin na remarke pa haya iluminacion. Tin alrededor di 200 mucha ta practica aki y esaki lo haci dirigentenan, atletanan y e bario hopi feliz.  

Parlamentario Endy Croes a splica cu constantemente a keda den comunicacion cu Minister di deporte Danqui Oduber pa duna atencion na e proyecto aki. Parlamentario Endy Croes ta hopi contento di por a mira e trabounan ta avansando hasta riba diadomingo unda un grupo tabata bezig trahando. Nos ta gradici Minister Danqui Oduber pa su esfuersonan pero mesun momento ta lamenta masha masha hopi e postura di Lotto pa Deporte. 

Esaki ta otro proyecto deportivo unda Lotto pa Deporte y Canadian Banknote di Canada (CBN) no a contribui ni cu 1 solo florin. Esaki ta prueba palbabel con Lotto pa Deporte y CBN ta menosprecia 200 mucha chikito. No obstante e actitud aki cu ta liña recta contra Statuut di Lotto e gobierno aki atrabes di su Minister di deporte Danqui Oduber a percura pa aloca fondonan necesario pa contribui cu deporte. Danki Gobierno, asina ta traha! Ta bale la pena pa sigui cumpra Lotto? 

Related posts

“Ta basta” Propietario di Kioskonan di Carnaval Village y Linear Park ta manda gobierno corte y lo pone Haime Croes personalmente responsabel pa dañonan causa

EA News Author

Parlamentario Alvin Molina a presenta dos mocion uno pa personal di e ‘middenkader’ y dos pa siguridad di trafico na Aruba

EA News Author

Parlamentario Edgar Vrolijk: Ta den man di ministernan pa cumpli pa piscadornan por cumpli cu ley

EA News Author

Leave a Comment