Despues di 5 intento pa trata i aprobá e Lei di Bienestar di Animal awe esaki porfin a keda aprobá den Parlamento ku 13 voto pro. Manera ta konosí e proseso ofisial di lei di bienestar di animal a kuminsá bou di Frakshon di MAN na aña 2017 ku kooperashon di Dierenbescherming, mr.Eric de Vries, mr.Nathalie Samson i dr.Dwarkasing.
Kòrsou pa hopi aña kaba ta sklama pa un Lei di Bienestar di Animal pa asina para e maltrato di animal ku tuma luga aki na Kòrsou. Pero tambe e molèster di kachónan okashoná riba kaya i ku ta ataká peaton, okashoná aksidente,masakrá bestianan di kunukeronan i imágen mahos pa turistanan.
Parlamentario mr.Mc William di frakshon di MAN ta duna di konosé ku komo èks Minister di Desaroyo Ekonómiko e la aloká sèn pa e proyekto pa limpia Kòrsou ku CTB unda a inkluí sèn pa Dierenbescherming pa e sanctuary pa kachó, edukashon i kampaña di konsientisashon di bienestar di animal.
Awor aki ta spera ku mas pronto posibel Gobièrnu publiká e lei aki pa asina e por keda efektuá den kuadro di lei.
1 comment