Mientras Aruba ta spera e decision final di Corte di Casacion dia 14 di april proximo, ya
caba nos por a lesa den e conseho di Advocaat-Generaal (AG) Paridaens for di Hulanda
caminda e ta duna un bista cla riba e realidad di Caso Avestrus y tambe cu den su conseho
final na Hoge Raad e ta subraya cu e condena di 48 luna (4 aña) di prizon contra e ex-
minister Benny Sevinger mester keda na vigor.
AVP kier pa pueblo "come y lubida," pero e AG ta confirma cu e actonan aki ta un sla directo
na e bienestar di nos pais.
Esaki ta loke pueblo mester corda
1. Oplichting di Pais Aruba pa beneficia "Amigonan"
E ex-minister a keda condena pa a “oplicht” nos propio pais. E "modus operandi" tabata
structural:
• Amigocracia den "Fast Track": El a duna "akkoord" inmediato riba peticionnan
di tereno di su amigonan, saltando procedura legal y ignorando conseho di
e tecniconan.
• Miyones den saco priva: E amigonan aki tabata haya e terenonan den companianan
"bashi" y, sin desaroya nada, tabata bende e accionnan (e papelnan) pa miyones di
florin na inversionistanan stranhero. E ganashi miyonario aki mester a drenta den
caha di Gobierno pa traha scol, construi casnan social of drecha cayaofof
asfalta careteranan, pero a bay directamente den saco di e "amigonan."
• Inhusticia Social: Mientras miles di famia Arubiano ta riba lista di espera pa añanan
largo pa un pida tereno, e ex-minister a uza su poder pa facilita e negoshinan priva
aki.
2. Soborno y Regalo bao di mesa
Corte a declara proba cu e ex-minister a acepta sobornonan personal for di e mesun
personanan cu e tabata yuda cu tereno:
• Material di construccion: Mas di Afl. 36.000,- pa su cas priva na Paradijs.
• Mashin di Gym profesional: Balora na Afl. 8.000,-.
• Servicionan gratis: Trabounan di mantencion na su cas sin cu e mes a paga pa nan.
3. Verduistering pa Viahenan Priva
E AG ta confirma e condena pa mal uzo di placa di un fundacion. A keda proba cu a uza
fondonan cu tabata destina pa metanan social pa asina paga viahe priva pa su casa.
4. Castigo Ehemplar: 6 aña fuera di Politica
E conseho di AG ta pa mantene e castigo pisa:
• 4 aña di prison;
• 6 aña prohibi pa fungi como ambtenaar;
• 6 aña sin derecho di wordo eligi (voto pasivo). Esaki ta nifica cu e no por representa
pueblo hamas den Parlamento of Gobierno den e periodo ey.
Conclusion
E caso Avestrus no ta un "persecucion." E ta un caso caminda a keda demostra cu a pone
interes di un grupito y interes personal prome cu e interes di Pais Aruba. E defensa a purba
argumenta cu un Minister "ta e Pais" y no por oplicht su mes, pero e AG a rechasa esaki
categoricamente: Pais Aruba ta e victima.
E balans mester ta semper na fabor di e hende y e ley, no na e ganashi miyonario di
amigonan.