PoliticaFeatured

Parlamentario Shailiny Tromp-Lee (MEP): Plan fiscal 2023 tin compensacion pa esnan mas vulnerabel y nos pensionadonan

Parlamentario Shailiny Tromp Lee Mep

Diaranson 14 di dec 2022 nos a trata e ley pa loke ta trata e plan fiscal pa 2023. Algun miembro di oposicion a habri nan discursonan ta critica cu no a crea e posibilidad pa reuni cu stakeholders encuanto e proposicion di ley cu nos a trata y cu nan no a keda informa. Lubidando cu ta nan mes a dicidi pa no participa na e 7 dianan cu nos a trata presupuesto di pais Aruba pa aña 2023 caminda Gobierno ya a duna un splicacion amplio riba e plan aki y alabes a duna resultado di investigacion al respecto. Pa loke ta trata opinion di stakeholders pregunta cu mi tin ta: ta kico a stroba nan di reuni cu stakeholders? Nunca agenda di parlamento a stroba nan di stipula e agenda di nan mes? Ta pidi pa reunion den sala of den comision y no ta asisti toch na nan! Ta con bo por tuma nan na serio?

Realidad ta cu desde 2018 Gobierno ta tumando stapnan necesario y sigur significativo den e direccion corecto pa logra reforma fiscal structural pa Aruba den direccion di un sistema fiscal duradero, simpel y cu un reparticion balansa di e peso fiscal. Meta general na tur momento mester ta pa percura pa un sistema fiscal uniforma, cla y ehecutabel. Lastimamente e plan di ehecucion a keda “stroba” door di COVID. Mester a pospone e direccion stipula y ahusta esaki na nos realidad. Un realidad cu ta un situacion di crisis social economico ocaciona pa e pandemia y e maneho hiba pa atende cu esaki.  Pasobra e ta un realidad cu COVID tabatin un consecuencia desastroso riba nos economia y situacion financiero y a crea diferente retonan riba tereno di salubridad publico, social y asina nos por sigui menciona. Intervencion y decision necesario di Gobierno manera distancia social, avondklok, shelter in place y lockdown a paralisa nos turismo y a casi crash nos economia unda nos pais a perde 274 miyon na entrada. 

E impacto aki nos ta bay keda sinti e añanan nos dilanti, banda di e tristo realidad di e Megadebe cu ya caba nos tabata conoce y e debe crea pa por mantene cabes di nos pais riba awa durante e pandemia. E asina yama Covid-lening pa por a duna asistencia financiero y social na nos hende y negoshinan manera subsidio di salario y sosten financiero na negoshinan mediano y chikito. E megadebe di Mike Eman y e Covid-lening ta debenan cu como pais nos tin cu paga. Alabes como pais nos tin begrotingsnormen pa cumpli cune. No por keda sin enfatisa e urgencia cu nos tin pa drecha nos credibilidad financiero riba mercado internacional. E plan fiscal ta e forma pa logra esakinan. Di un caminda nos mester genera e entradanan necesario pa logra loke mi a indica anteriormente. Pesey mes a vota pro e ley aki. Asumiendo nos responsabilidad y tumando decisionnan necesario pa garantisa un mihor futuro pa nos pais y hendenan. 

Den e plan fiscal ta amplia e peso di impuesto di entre otro hotel, pa por baha e peso di impuesto di trahadornan y companianan local (chikito y mediano). Un reparticion mas husto. Mediante e plan fiscal 2023 Gobierno lo haya 70 miyon florin cual 20 miyon di esaki ta bay na compensacion. Pasobra contrario na gritonan di oposicion, Gobierno corectamente a percura pa alivio y compensacion pa esnan mas vulnerabel y cierto gruponan meta manera nos pensionadonan. Den un otro comunicado lo mi elabora riba esakinan. 

Related posts

Gabinete Wever-Croes no ta esun cu a duna tereno na Iberostar pa construi un hotel na Eagle Beach

EA News Author

Aeropuerto di Aruba lo ricibi su prome cantidad cuantioso di trafico desde cu e crisis di corona a stop operacionnan comercial na Maart 28, 2020

EA News Author

Aruba tambe presente na’ creative commons’ su sessionnan di cultura habri y patrimonio na portugal

EA News Author

Leave a Comment

Whatsapp Message