Hende di 60 aña bai ariba i siudadanonan ku un malesa serio por pasa angua kontra grip, angua kontra corona òf tur dos angua for di 18 di òktober 2025. Nan por pasa e angua(nan) na Jong Bonaire riba djasabra 18 di òktober, 25 di òktober, 1 di novèmber i 8 di novèmber for di 09:00 or te 13:00 or. Ta posibel tambe pa pasa e angua(nan) den siman for di 09:00 or te 13:00 or na e sentronan di bario na Antriol, Nort’i Saliña i Tera Kòrá. GGD Boneiru ta ofresé a angua(nan) pa motibu ku den fin di aña e chèns pa haña grip i corona ta oumentá.
Pasa angua den bario
Esaki ta e skema di e dianan ku siudadanonan por pasa angua for di 09:00 or te 13:00 or na e sentronan di bario.
Pasa angua kontra grip i corona serka dòkter di kas
Pashèntnan di Rincon Medical Center por pasa angua kontra grip i corona sin sita for di 20 di òktober 2025 te 21 di novèmber 2025 na e ofisina di dòkter ei. Serka e otro dòkternan di kas ta posibel pa pasa solamente e angua kontra grip. Pashèntnan no tin mester di traha sita pa esaki.
Mas tokante e angua kontra corona na Jong Bonaire i e sentronan di bario
Pa pasa angua kontra corona na Jong Bonaire òf na e sentronan di bario, nan ta pidi siudadanonan pa bin ku un prueba di identidat. Si un persona ta bebe remedi, ta importante pa e bin e sitio di pasa angua ku un lista di su remedinan. Promé ku un persona pasa angua kontra corona, e ta haña algun pregunta pa kontestá.
Mas informashon
Pa pregunta tokante e angua kontra grip òf e angua kontra corona, siudadanonan por yama e number di telefòn +599 777 6102 durante ora di ofisina. Nan por manda un email tambe na izb@bonairegov.com. Pa mas informashon tokante e anguanan, wak riba www.bonairegov.com/angua
