Un lucha pa e.o. rèspèt, igualdat, inklushon i toleransia
Nos ta biba den un sosiedat diversifiká i kompleho ku representashon i partisipashon di diferente grupo di hende. E diversidat aki ta evidente den aspektonan manera orígenétniko, klase sosial, religion, abilidat físikoòf mental,géneroi tambe preferensia seksual.Pa nos por komprondé i relatámihó na otro ta nos responsabilidat i deber síviko pa informá nos mes tokante temanan ku ta di importansia pa hustamente e gruponan minoritario den nos pais. Ademas di informá nos mes, nos meta mester ta pa krea un komunidat sigur, inklusivo, solidario i hustu pa un i tur. Asina nos por duna berdadero balor na e prinsipio di hustisia sosial. Pa e motibu aki, nos ke para ketu awe na e tema di e lucha pa derechinan di e komunidat LGBTQ+.
E siman aki, di 30 di yüli te ku 7 di ougùstùs ta selebrá “Amsterdam Pride”, “Marchanan di orguyo” òf “Pride” ta manifestashonnan sosial di e movementu pa derechinan pa e komunidat LGBTQ+ i ta keda organisá na diferente siudat rònt mundu. E tradishon aki a kuminsá na Merka komo un akto di rebeldía i protesta, pero awendia ta un representashon mundial di balor i búskeda di igualdat sin eksklushon. Un di e ophetivo prinsipal di e manifestashonnan aki ta pa mustra i ekspresá ku orguyo e diversidat di orientashonnan seksual i géneronan ku ta eksistí; Pa laga mustra loke tradishonalmente ta wòrdu reprimí i trese e realidat di e komunidat aki dilanti.
Ku e “Pride” ta otorgá tambe mas visibilidat na e komunidat LGBTQ+.Personanan kuta parti di e grupo aki por sinti liber di mustra nan mes manera nan ta sin miedu pa represhon òfkritiká sosial. Den emanifestashonnan aki miembronan di e komunidat LBGTQ+ ta riparái sinti kunan no ta nan so i ku tin hopi hende (ku no ta LGBTQ+) ku ta stima nan, ku ta defendé nan, ku ta respetá nan i tin masha hopi hende pa ken nan ta importante.
Manifestashonnan di orguyo LGBTQ+ ta di suma importansia tambe pasobra nan ta yuda kambia mentalidat di hopi hende i krea un otro perspektiva. “Pride” simplemente ta eksigí kumplimentu i rèspèt pa ku derechinan fundamental.
Ta importante di bisa ku for di e momento ku e tipo di akshonnan aki a kuminsána aña 1969 tabatin avanse nan grandi kontra diskriminashon. Sinembargo, ainda ta eksistí hopi aktonan di odioi tin hopi paisnan kaminda kualke orientashon seksual “no tradishonal” no ta wòrdu aseptá i asta ta konsideránan komo krímenku ta wòrdu kastigá. P’esei e lucha di e komunidat LGBTQ+ ta sigui, te ora ku por logra eliminá etikètnan i prehuisionan. Pa logra e kambio, kada persona den nos komunidat mester para fuerte i defendé derechinan humano di kada siudadano, inkluso di e komunidat LGBTQ+.
M21 ta para pa igualdat, inklushon i no diskriminashon, nos ke garantia di tur e derechinan humano; nos ta duna i alabes eksigí trato igual pa i na tur hende; asina un sistema balansa ta funshoná bon, asina un isla òfpais mester ta, ku trato igual pa un i tur.Toleransiairèspèt ta e yabi.
