Uncategorized

Prome Minister Evelyn Wever-Croes: Despedida di sr. frido croes na bestuurskantoor


Gobierno a dispidi di un gran Arubiano, Francisco Walfrido (Frido) Croes. Conseho di Minister tawata para pafo dilanti di Bestuurskantoor unda cu e corteho funebre a para. Prome Minister a pone kraans y despues a tene un minuut di silencio pa respet pa sr. Frido Croes.

 

Di profesion e tabata maestro di scol gradua na Arubaanse Pedagogische Academie (APA) y a yuda forma hopi hoben di nos pais. Sr. Frido Croes a drenta politica na aña 1988 y a laga su legado como miembro di Parlamento (1989-1994), como Presidente di Parlamento (2001-2004), como Minister di Enseñansa (2004-2005) y como Minister Plenipotenciario na Hulanda (2005-2009). Un carera politico sigur hopi impresionante cu sr. Frido a ocupa cu hopi responsabilidad, capacidad, honestidad y integridad.

 

“Nos no lo lubida e legado y loke sr. Frido Croes a haci pa enseñansa y politica pa Aruba. Cu Dios duna su sra. Lourdes, su yiunan Joseanny y Francis y tur famia y amistad hopi forsa cu e perdida grandi aki. Cu Frido sosega na paz”, Prome Minsiter Evelyn Wever-Croes a expresa.

Related posts

Patruyanan di control riba lama

EA News Author

Un persona a keda tira na su cas na Weg Fontein

EA News Author

Defensa ta desplegá èkstra militar pa vigilansia di kostanan marítimo

EA News Author

Leave a Comment