Recientemente fraccion di MEP a bishita Baby Beach pa mira e proyecto di e canchanan deportivo. Parlamentario Evelyn Wever-Croes a indica cu e proyecto aki a inicia bou ex Minister Dangui Oduber tempo cu financieramente e situacion tabata uno difícil pa Aruba. Afortunadamente cu un vision cla y hopi esfuerso el a logra cuminsa cu e bunita proyecto aki.
Añasnan atras Baby Beach tabata tin como 6 pa 8 cancha di tennis cu ya cu tempo a bin ta deteriorando. E canchanan aki sigur ta trece hopi nostalgia pa esnan cu ta cordanan. Danki na e vision di ex Minister Dangui Oduber, Baby Beach lo haya su canchanan bek pa asina comunidad por disfruta un biaha mas di nan. Lo ta bay tin canchanan di tennis, di pickleball, un cancha multifunctional, zaalvoetbal, basketball, y volleyball. E intencion di e gobierno anterior cu e proyecto aki ta pa trece deporte mas serca di pariba di brug.
Parlamentario Wever-Croes ta felicita ex Minister Dangui Oduber, Aruba Tourism Authority y tur esnan cu e bunita proyecto aki, cu ta den su fase final. Despues lo sigui cu e kiosk cu lo wordo remodela y completamente renoba. Unabes e ta cla, lo busca un persona pa huur e luga y cu por bin cu un operacion di food and beverage. Mas importante ta pa logra haya un persona cu por mantene e luga pa asina nos muchanan y hobennan por haci uzo y goza di dj’e. Masha pabien Aruba cu e bunita proyecto aki.
