Bonaire

Rekonosementu na baluartenan: Sekshon di kultura ta lansa pòtpuri di tumba

Image010

Sekshon di Kultura, Arte i Literatura ta lansa un proyekto den kua a opta pa dokumentá tumbanan di nos tumberonan legendario i di e forma aki duna rekonosementu na nos baluartenan ku a keda den nos felis memoria.

Ta trata aki di un kombinashon di tumbanan ku nos no por lubidá. E pòtpuri aki ta konsistí di seis tumba den un bachi nobo, di kua SKAL a enkargá nos yu di tera, sr. Dwight Leoneta. 

Kantantenan ku a interpretá e tumbanan ta nos mes artistanan, manera Chendell Beaumont, Rolindo Dortalina, Dayron Coffie, Marianne Offerman, Jairo Evertsz i Robertico Balentin. E artistanan a interpretá tres tumba di sr. Antonio Trinidad, unu di sra. Carmen Goeloe, unu di sr. Papari Thielman i unu di sr. Glenn Lugo. Tur e tumbanan den pasado a kue título di Rei di Tumba.

usikonan ku a forma parti di e proyekto ta: 

Roddrick Strongolo Booy – Timbal

Jean Paul Tirso Coffie – Conga & Wiri

Joel Angel – Kampana

Dennys Zavala – Trompet & Trombone 

Coni Colina – Baritone Sax

Koro- Jairo Evertsz, Chendell Beaumont, Benoni Balentien, Dwight Leoneta 

Dwight Leoneta- Areglista, Teklados, Bass, Mixing

Ku e bunita proyekto aki, Sekshon di Kultura, Arte i Literatura  SKAL ku honor ta rindi homenahe na sr. Patricio Thomas, Maestro di Maestronan di Seremonia.

Na momentu ku lansa e tumba, SKAL lo sòru pa un kopia pa famia i esnan interesá. Pa mas informashon por tuma kontakto ku nos kolega sr. Robert Sances na telefòn 717 5330 ekstenshon 3615 òf na e-mail: robert.sances@bonairegov.com.

Ku e primisia aki, SKAL ta ta duna su aporte pa mantené nos kultura bibu.

Related posts

Adaptashon preis di kombustibel na Boneiru

EA News Author

Tourism Corporation Bonaire ta bai organisá e di tres Taste of Bonaire

EA News Author

Deklarashon: James Finies – Bonaire Human Rights Organization (BHRO) den e 3er Foro Permanente di Hendenan di Desendensia Afrikano

EA News Author

Leave a Comment

Whatsapp Message